Karin mutum 241 sun harbu da korona a Najeriya, jimilla 10819

Karin mutum 241 sun harbu da korona a Najeriya, jimilla 10819

Hukumar Yaki da Cututtuka Masu Yaduwa a Kasa (NCDC) ta ce annobar cutar Covid-19 ta sake harbin sabbin mutane 241 a fadin Najeriya.

Hakan na kunshe ne a cikin sanarwar da NCDC ta fitar da misalin karfe 11.52 na daren ranar Talata, 2 ga watan Yuni na shekarar 2020.

A cikin sanarwar da NCDC ta saba fitarwa a daren kowacce rana a shafinta na Twitter, ta sanar da cewa karin sabbin mutum 241 da suka fito daga jihohin Najeriya kamar haka;

Lagos-142

Oyo-15

FCT-13

Kano-12

Edo-11

Delta-10

DUBA WANNAN: Kotu ta tsare mutumin da ya yi zina da surukarsa

Kaduna -9

Rivers-9

Borno-8

Jigawa-4

Gombe-3

Plateau-3

Osun-1

Bauchi-1

Alkalluman da hukumar ta NCDC ta fitar a ranar Talata 2 ga watan Yunin 2020 ya nuna cewa jimillar wadanda suka kamu ta cutar ta korona a kasar 10819.

An sallami mutum 3239 bayan an tabbatar da sun warke sarai, a yayin da cutar ta hallaka jimillar mutane 314.

A wani labari na daban, wasu 'yan bindiga da ba san ko su wanene ba sun harbe hakimin 'Yantumaki har lahira a jihar Katsina, Abubakar Atiku Maidabino a fadarsa a safiyar ranar Litinin.

Wata majiya daga garin ta shaidawa Daily Trust cewa 'yan bindigan sun taho a babura ne misalin karfe 12 na dare inda suka rika harbe harbe a iska domin razana mutanen kauyen.

Daga bisani yan bindigan sun shiga cikin fadar suka kashe hakimin nan take kuma suka raunata daya daga cikin masu gadinsa.

Za a yi janai'zar mammacin misalin karfe 11 na safe a fadarsa bisa koyarwan addinin musulunci.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit.ng

Tags:
Mailfire view pixel