Labarai

A karshe; Shugaba Buhari na wasa ya gabatar da jawabi ga 'yan Najeriya a kan coronavirus

Lahadi, Maris 22, 2020 at 6:00 Yamma daga Mudathir Ishaq 2 - tsawon mintuna

Obinna Simon, wani dan Najeriya mai wasan barkwanci da ke matukar kama da shugaban kasa, Muhammadu Buhari, ya saki wani jawabi ga 'yan kasa inda a cikinsa ya yi magana a kan bullar annobar kwayar cutar coronavirus.

Fitaccen mai wasan barkwancin, wanda aka fi sani da 'MC Tagwaye', ya saki jawabin ne a daidai lokacin da 'yan Najeriya ke cigaba da guna-guni a kan jinkirin da shugaba Buhari ke yi wajen gabatar da jawabi ga 'yan kasa a kan annobar coronavirus.

Kamar yadda ya saba yin magana cikin kwaikwayon muryar Buhari, MC Tagwaye ya bukaci 'yan Najeriya su mayar da hankali wajen biyayya ga hanyoyin dakile yaduwar COVID-19.

A cikin sakon faifan bidiyon mai tsawon dakika 140 da ya wallafa a shafinsa na 'Tuwita' (@MC_Tagwaye), ya ce, "shugaba Buhari ya hana dukkan jami'an gwamnati fita kasashen waje tare da daukan matakan dakile yaduwar kwayar cutar corona a fadin kasa.

A karshe; Shugaba Buhari na wasa ya gabatar da jawabi ga 'yan Najeriya a kan coronavirus — MC Tagwaye
Asali: Twitter

"Dukkan kasashen duniya sun dauki matakan ganin cewa kwayar cutar ba ta cigaba da yaduwa a kasashensu ba. An dauki mataki a kan cutar ne ba don a takurawa jama'a ba, sai don a karesu daga kamuwa da ita.

"Najeriya, kamar sauran kasashen duniya, ta dauki matakai daban-daban domin dakile kwayar cutar corona. Matakan sun hada da;

DUBA WANNAN: Coronavirus: Yadda fasinja ya jawo tashin hankula a filin jirgin sama na Legas

"Haramtawa jami'an gwamnati fita kasashen ketare da kuma hana jirage daga wasu kasashen duniya sauka a Najeriya. Bayan an dauki wasu sauran matakai a cikin gida domin hana kwayar cutar uaduwa."

Kalli faifan bidiyon:

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kiwon Lafiya