Labarai

Ilimi gishirin zaman duniya: Mataimakin gwamnan Kogi ya koma makaranta

Talata, Maris 03, 2020 at 3:43 Yamma daga Mudathir Ishaq 2 - tsawon mintuna

Mataimakin gwamnan jahar Kogi, Edward Onoja ya koma makaranta don samun digiri na biyu da digirin digirgiir fannin zaman lafiya da warware rikice rikice a jami’ar gwamnatin tarayya dake garin Lokoja.

TheCables ta ruwaito Onoja ya bayyana haka ne a shafukansa na dandalin sadarwar zamani, inda yace a ranar Litinin ya fara daukan darasi, ya kara da cewa makasudin komawarsa makaranta shi ne don a yanzu duniya na bukatar kwararru wajen kashe wutar rikice rikice.

KU KARANTA: Rikicin cikin gida: Sabon shugaban ISWAP ya halaka manyan kwamandoji 5

Ilimi gishirin zaman duniya: Mataimakin gwamnan Kogi ya koma makaranta
Asali: UGC

Mista Onoja ya kara da cewa yana fatan zai kammala karatun digirin digirgir zuwa shekarar 2023.

“Na koma makaranta don karatun digiri na biyu, a bangaren zaman lafiya da warware rikice rikice na zangon karatu na shekarar 2020, inda nake sa ran samun digiri na uku a shekarar 2023.” Inji Onoja.

“Duniya na bukatar samun kwararrun masu warware rikici rikicen daka tasowa a kowanne lokaci, ina fatan zama guda daga cikin wadannan kwararru a cikin shekaru masu zuwa. Ina fatan nan da shekara 4-5 zan kammala digirin PhD, a yau muka fara.” Inji shi.

Onoja mai shekaru 45 ya karanci ilimin kimiyyar kasa da ma’adanan kasa ne a jami’ar Jos a shekarar 1999, shi ne tsohon shugaban ma’aikatan fadar gwamnatin jahar Kogi a zangon mulkin Gwamna Yahaya Bello na farko, sa’annan ya zama mataimakin gwamna bayan majalisar dokokin jahar ta tsige Simon Achuba.

A wani labarin kuma, tsohon gwamnan jahar Kano, Sanata Rabiu Musa Kwankwaso ya bara game da zargin da ake yi masa da hannu cikin badakalar kudin makamai a zamanin da yake minista, sa’annan ya wanke manyan hadimansa guda biyu, Injiniya Abba Kabir Yusuf da Abdullahi Umar Ganduje.

A makon nan ne wasu rahotanni daga jaridu daban daban suka bayyana cewa hukumar yaki da rashawa da yi ma tattalin arzikin kasa zagon kasa, EFCC ta kaddamar da bincike a kan badakalar kwangilar sayo makamai da aka yi a ma’aikatar tsaro a shekarar 2008.

Sai dai jaridar Kwankwaso ya kasance ministan tsaro ne daga shekarar 2003 zuwa shekarar 2006, kamar yadda tsohon gwamnan ya tabbatar da kansa.

Ku biyo mu a https://facebook.com/legitnghausa

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Karatun Ilimi