CBN za ta dena kona lalatattun takardun naira, za ta fara amfani da fasahar canja datti

Babban Bankin Najeriya (CBN) ta ce za ta dena kone tsaffin kudaden takardun naira a maimakon hakan za ta fara canja su domin buga wasu sabbin kudaden.

A wani sako da ta fitar a shafin ta na intanet, babban bankin ta yi kira ga kamfanoni da suka kware a fasahar canja datti su gabatar da takardun kwangilar su domin samun aikin canja tsaffin kudaden na takarda.

Wannan fasahar da canja datti (recycling) ana amfani da ita a bangarori dabandaban da suka hada da canja robobi, karafa, littafai da sauransu.

"Sashi na 18(d) na dokar CBN ta 2007 ya bawa babban bankin damar lalata takardun naira ko kwandala da suka lalace a karkashin sashi na 20(3), " kamar yadda sakon da bankin ta fitar ya ce.

"CBN na tattara daruruwan ton na lalatattun kudaden naira a duk mako a wuraren zubar da sharar ta 12 da ke kasar.

DUBA WANNAN: Bidiyon mataimakiyar gwamnan jihar Kaduna tana kashe gobara ya jawo cece-kuce

"An kone lalata takardun nairan ne ta hanyar kone su a fili a wurarren da bankin ta tanada ko kuma wuraren da ta karba haya daga gwamnatin jihar."

A cikin sakon da babban bankin ta fitar, ta ce kone takardun nairorin a fili ya na gurbata muhalli.

Ta ce an gano cewa canja datti ya fi alfano ga tattalin arziki da kuma muhalli.

Ta yi bayanin cewa ta wannan sabon fasahar, "Za a sauya takardun nairan zuwa wasu ababe masu amfani."

Bankin za ta rufe karbar takardun neman kwangilar a ranar 11 ga watan Maris na 22.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng