Labarai

Abinda Abdulmumin Kofa ya fada bayan ya ziyarci Ganduje (Hotuna)

Laraba, Faburairu 05, 2020 at 3:30 Yamma daga Mudathir Ishaq 2 - tsawon mintuna

A jiya ne tsohon dan majalisar wakilai da ya sha kaye a zaben maye gurbi na jihar Kano ya kaiwa gwamna Abdullahi Umar Ganduje ziyara. Abdulmumin Jibrin Kofa ya ziyarci Ganduje ne duk da kuwa barakar da ake ta cewa tana tsakaninsu.

An zargi gwamna Ganduje da hada kai da shugaban jam'iyyar APC na jihar Kano, Abdullahi Abbas wajen goyawa abokin adawar Kofa baya don lashe kujerar majalisar wakilai ta Kiru/Bebeji.

Abinda Abdulmumin Kofa ya fada bayan ya ziyarci Ganduje (Hotuna)
Asali: Twitter

A ziyarar daAbdulmumin Kofa ya kai wa Ganduje, ya sha alwashin zasu ci gaba da yi wa jam'iyya biyayya tare da kokarin habaka ta matakin jihar da ta tarayya.

Bayan shan kasan da Kofa yayi a zaben maye gurbin da aka yi watan Janairu na wannan shekarar, an ga Ganduje tare da Aliyu Datti-yako, wanda ya maka Kofa da kasa.

DUBA WANNAN: Fitattun 'yan Najeriya 8 da ciwon 'kansa' ya hallaka (Hotuna)

A hotunan da suka bayyanan, an ga Aliyu Datti na nuna wa Gwamna Ganduje shahadarsa komawa majalisar wakilai, lamarin da ya jawo cece-kuce daga jama'a da dama.

Bayan ganawar da tsohon dan majalisar wakilan suka yi da Ganduje, ya ce zasu ci gaba da goyon bayan gwamnan jihar Kano da jam'iyyar APC din a matakin jiha da ta tarayya.

Kamar yadda ya wallafa a shafinsa na tuwita, "A yau Laraba ne na kaiwa Gwamna jihar Kano, Gwamna Abdullahi Umar Ganduje ziyara. Za mu ci gaba da goyon bayan gwamnan da jam'iyyar APC a matakin jihar da tarayya."

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Kano