Labarai

Alhaji Baba Abba Yusuf: Kwamishinan hukumar INEC na jihar Taraba ya riga mu gidan gaskiya

Lahadi, Satumba 29, 2019 at 9:21 Yamma daga Mudathir Ishaq 2 - tsawon mintuna

- Hukumar zabe ta kasa mai zaman kanta INEC, ta sanar da mutuwar kwamishinanta na jihar Taraba, Alhaji Baba Ahmed Yusuf.

- Sakatariyar hukumar, Rose Oriaran-Anthony, ita ce ta bayar da sanarwa a ranar Lahadi, 29 ga watan Satumba.

- Alhaji Yusuf ya riga mu gidan gaskiya a asibitin koyar wa na jami'ar Maiduguri da ke jihar Borno a ranar Asabar, 28 ga watan Satumba

- Mrs Rose ta misalta marigayi Alhaji Baba wanda aka nada kwamishinan INEC a shekarar 2010, a matsayin mutum mai tsayuwa bisa gaskiya kuma daya daga cikin kwararrun ma'aikatan hukumar

Mun samu cewa, hukumar zabe ta kasa mai zaman kanta INEC, ta sanar da mutuwar Alhaji Baba Abba Yusuf, kwamishinta na reshen jihar Taraba da ke Arewa maso Gabashin Najeriya.

Kamar yadda sakatariyar hukumar Mrs Rose Oriaran-Anthony ta sanar, ajali ya katse hanzarin marigayi Yusuf a ranar Asabar, 28 ga watan Satumba, a asibitin koyarwa na jami'ar Maiduguri ta jihar Borno.

Mrs Anthony yayin ganawa da manema labarai na jaridar The Nation a ranar Lahadi, 29 ga watan Satumban 2019, ta misalta marigayi Alhaji Baba a matsayin mutum mai tsayuwa bisa gaskiya kuma daya daga cikin kwararrun ma'aikata na hukumar.

KARANTA KUMA: Manyan Limamai 7 da suka yi da'awar samun wahayi daga wurin Ubangiji

Legit.ng ta fahimci cewa, an gudanar da jana'izar marigayi Alhaji Baba a ranar Lahadin yau a bisa tsari na addinin Islama kamar yadda Mrs Anthony ta labarta.

A yayin tabbatar da babban rashin da suka yi da maye gurbinsa zai yi matukar wahala, Mrs Anthony ta ce marigayi Alhaji Baba wanda hukumar INEC ta nada mukamin kwamishina tun a shekarar 2010, ya yi aiki a wannan mukami a jihohin Benuwe da kuma Adamawa gabanin jihar Taraba.

Sanarwa: Mun gode da kasancewarku tare damu yayin da shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar ba mu labari, tuntube mu a: labaranhausa@corp.legit.com

Ku biyo mu a shafukan mu na dandalin sada zumunta:

https://facebook.com/legitnghausa

https://twitter.com/legitnghausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

INEC