Siyasa

'Yar Najeriya ta zama 'yar majalisa a kasar Canada

Alhamis, Satumba 12, 2019 at 3:17 Yamma daga Mudathir Ishaq 2 - tsawon mintuna

An zabi haifaffiyar Najeriya, Uzoma Asagwara, a matsayin 'yar majalisar tarayya mai wakilcin mazabar Manitoba a kasar Canada.

Nasarar da Asagwara tayi a karkashin jam'iyyar NDP (New Democratic Party), ta kasance bakar fata ta farko a tarihin kasar Canada da a ka zaba a matsayin 'yan malajisar tarayya mai wakilcin mazabar Manitoba.

Kamar yadda kamfanin dillancin labarai mai tushe a kasar Canada wato CBC ya ruwaito, Asagwara ta kasance cikin jerin bakaken fata uku a tarihi da aka taba zaba a matsayin 'yan majalisar kasar tun yayin kafuwar majalisarta shekaru 150 da suka gabata.

A yayin da ta ke zantawa da manema labarai a ranar Talata 10 ga watan Satumba, Asagwara ta nemi dukkanin zababbun shugabanni a mazabarta suka kasance magartan jakadu da za su wakilci al'umma da kuma yankin baki daya.

Rahotanni sun bayyana cewa, gabanin nasararta a zaben kasar da aka gudanar, Asagwara ta kasance ma'aikaciyar lafiya a wani asibiti masu cutar hauka kuma mai fafutikar kare hakkin dan Adam a birnin Winnipeg.

KARANTA KUMA: Kotun zabe ta tabbatar da nasarar 'yan majalisar Kano Jibrin da Gaya

Uzoma ta yi godiya da jinjina ga dukkanin wadanda suka goyo mata baya tun gabanin nasarar da tayi a zaben kasa.

Ana iya tuna cewa, jaridar Legit.ng ta ruwaito cewa, sabon Firaiministan Birtaniya, Borris Johnson, ya zabi wata 'yar Najeriya, Olukemi Olufemi Badenoch, a matsayin karamar ministan kula da yara da kuma iyalai a kasar.

Sanarwa: Mun gode da kasancewarku tare damu yayin da shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar ba mu labari, tuntube mu a: labaranhausa@corp.legit.com

Ku biyo mu a shafukan mu na dandalin sada zumunta:

https://facebook.com/legitnghausa

https://twitter.com/legitnghausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kasashen Duniya