Labarai

Hukumar EFCC ta kama yan danfara da dankara dankaran motoci

Asabar, Yuni 22, 2019 at 8:51 Yamma daga Mudathir Ishaq 2 - tsawon mintuna

-Hukumar EFCC ta kama wasu yan danfarar 'yahoo yahoo' 27 a jihar Ibadan

-Mukaddashin mai magana da yawun hukuman ne ya bayyana haka, inda ya kara da cewa an kuma kama wasu yan mata hudu da ake tunanin yan matan yan dafarar ne

-Ya kuma bayyana cewa an kwato manyan motoci masu tsada guda takwas da wayoyin salula masu tsada daga hannunsu

Ofishin Hukumar yaki da cin hancin da rashawa (EFCC) na Ibadan ya kama wasu mutane 27 da ake zarginsu da yin danfara ta hanyar amfani da yanar gizo. An kamasu ne tare da wasu mata hudu da ake tunanin yan matansu ne.

KARANTA WANNAN: Trump da ya fadi dalilin sa na fasa kaiwa Iran hari

Mukaddashin mai magana da yawun hukumar, Tony Oriade, ya bayyana cewa jami’ansu sunyi kwantan bauna inda suka yi dirar mikiya suka kama yan danfarar. A cewarshi sun kama maza 27 da mata hudu da ake tunanin yan matan su ne

Ya ce “Jami’anmu sun fara bincike tsawon sati daya inda suka tattara bayanai game da barnar yan dan farar ‘yahoo-yahoo’ a wuraren da suke a fadin garin.”

“Bayanan da aka tattara bayanan na sirri ne, wanda hakan yayi sanadiyyar aikin da mukayi ranar Alhamis.’

“Cikin wadanda aka kama akwai; Adeleke peter, Babalola Abiodun,Adurajo Temitope, Abdulazeez Razak, Adesina Adewale, Osayintoba Dare, Adebowale fadairo, Abdulazeez Abdullahi, Akinseye Samuel da kuma Osanyintoba Femi.”

Ya kara da cewa hukumar ta kwato manyan motoci guda takwas ciki hadda katuwar motar Lexus guda biyu, da motoci kirar kamfanin Toyota guda shida da kuma manyan wayoyin salula masu tsada da kwamfitoci da dai sauransu.

Ya kara bayyana cewa “Wadanda aka kaman suna ikirarin sun kammala karatu wasu kuma na cikin yi a fannin karatun injiniyan kwamfita wasu kuma suka ce su yan kasuwa ne, a yanzu dai muna cigaba da bincike don sanin yawan laifuffukan da sukayi.”

“Za a kaisu kotu da zarar an gama bincike." A cewar Oriade.

Ku biyo mu a shafukanmu na sada zumunta:

Facebook: https://facebook.com/legitnghausa

Twittwe:http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki https://play.google.com/store/apps/details?id=com.naij.hausa

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

EFCC