Kungiyoyin Musulunci sun jinjina wa gwamnatin tarayya kan sakin Zainab Aliyu da Ibrahim Abubakar
- Kungiyoyin addinin Musulunci sun yaba ma gwamnatin tarayya akan kokarinta wajen ceto Zainab Aliyu da Ibrahim Abubakar wanda hukumomin kasar Saudiyya suka tsare
- An dai kama Zainab da Ibrahim Abubakar a kasar Saudiyya a ranar 25 ga watan Disamba, 2018, bayan an samu miyagun kwayoyi a jakunkunansu
- Sai dai an gano cewa ma'aikatan filin jirgi ne suka yi masu bita da kulli
Kungiyoyin addinin Musulunci a ranar Juma’a 3 ga watan Mayu sun yaba ma gwamnatin tarayya akan kokarinta wajen ceto Miss Zainab Aliyu da Mista Ibrahim Abubakar wanda hukumomin kasar Saudiyya suka tsare.
An kama Zainab da Ibrahim Abubakar a kasar Saudiyya a ranar 25 ga watan Disamba, 2018, bayan an samu miyagun kwayoyi a jakunkunansu.
Ma’aikatar da ke kula daharkokin waje ta tabbatar da sakin Abubakar a ranar Laraba da ya gabata.
An mika Abubakar ga mukkadin karamin jakada Najeriya a Jeddah, kasar Saudiyya, Garba Satomi Grema.
Yayinda ita kuma Zainab an sake ta ne a ranar Talatar da ta gabata.
Kungiyoyin Musuluncin sun bayyana cewa yan Najeriya sun yi farin ciki da sanya bakin da gwamnatin tarayya tayi a lamarin.
KU KARANTA KUMA: Kasar Saudiyya ta yi kira ga a fara neman jaririn watan Ramadan daga gobe Asabar
kungiyar NASFAT ta jinjina wa gwamnati da jakadan Najeriya a kasar Saudiyya kan kokarinsu wajen ceto yan kasar.
Mista Banji Busari, sakataren labarai na NASFAT, ya bayyana cewa ya kamata a gudanar da bincike a tsanaki domin gano wadanda suka sanya kwayoyin a jakunkunansu.
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Latsa wannan domin samun sabuwar manhajar labarai ta Legit.ng Hausa a wayar ku ta hannu: : https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari, Tuntube mu a: labaranhausa@corp.legit.ng
Asali: Legit.ng