Labarai

Babban Hasafi: Mai kudin Duniya, Jeff Bezos, ya saki Matarsa

Jummaʼa, Afirilu 05, 2019 at 6:59 Yamma daga Mudathir Ishaq 2 - tsawon mintuna

- Mai kamfanin hada-hadar kasuwanci na duniya Amazon, Jeff Bezos, ya saki Matar sa inda za ta hasafin rabuwa na N12.5 trn

- Jeff Bezos wanda ya fi kowa kudi a duniya na da tarin dukiya ta N53 trn inda ya auri Matar sa a shekarar 1993

- Ma'auratan bayan sun haifi 'ya'ya hudu sun amince da sawwakewa junan su tare a ci gaba da rike zumunci da kyakkyawar alaka a tsakanin su

Jaridar Legit.ng ta ruwaito cewa, fitaccen attajirin da ya fi kowa dukumar dukiya a duniya, Jeff Bezos, ya saki Matar sa, MacKenzie bayan sun amince da sawwakewa junan su inda za ta samu N12.5trn a matsayin hasafi na rabuwa.

Bezos bayan ya auri Matarsa a shekarar 1993 sun samu tabarraki na 'ya'ya hudu. A halin yanzu sun amince da sawwakewa junan su inda hasafin rabuwa da Mackenzie za ta samu zai sanya ta a mataki na uku cikin jerin Matan da suka fi kowa kudi a duniya.

Babban Hasafi: Mai kudin Duniya, Jeff Bezos, ya saki Matarsa
Asali: Getty Images

Kididdigar mujallar Forbes ta bayyana cewa, Bezos ya na ci gaba da samun dukiya a Amazon, kamfanin sa na gudanar da hada-hadar kasuwancin duniya ta hanyar fasahar zamani mai tushe a kasar Amurka.

Bezos da Mackenzie sun amince da rabuwa a tsakanin su yayin da suka bayar da sanarwar ci gaba da goyon bayan junan su da sabunta kyakkyawar alaka ta zumunta duk da rashin aure a tsakanin su.

KARANTA KUMA: Buhari tubalin karamci ne a duniya - Onochie

Yayin rabuwar su duba da irin gudunmuwar da ta bayar wajen fadi tashi a kamfanin Amazon, Mackenzie ta cancani samun kaso 4 cikin 100 na dukkanin kadarorin da ya kunsa da ya kai na kimanin Naira Tiriliyan 12.5.

Sanarwa: Ku ci gaba da kasancewa tare da mu yayin da Shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar bamu labari, tuntube mu a: labaranhausa@corp.legit.com

Ku biyo cikin shafukan mu na dandalan sada zumunta:

https://facebook.com/legitnghausa

https://twitter.com/legitnghausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Labaran Duniya