Labarai

Sarki ya nada wa mata 5 sarauta a Gombe

Jummaʼa, Disamba 07, 2018 at 9:02 Yamma daga Mudathir Ishaq 2 - tsawon mintuna

- Sarkin Deba da ke jihar Gombe, Alhaji Ahmed Usman ya nada wa mata biyar sarauta

- An gudanar da bikin nadin sarautar ne a fadar sarkin da ke karamar hukumar Yamaltu/Deba na jihar a yau Juma’a

- Usman ya bayyana cewa mata na iya bakin kokarinsu a masarautar inda ya kara da cewa suna da muhimmin rawar ganin takawa a masarautar

Sarkin Deba da ke jihar Gombe, Alhaji Ahmed Usman ya nada wa mata biyar sarauta a masarautar shi.

An gudanar da bikin nadin sarautar ne a fadar sarkin da ke karamar hukumar Yamaltu/Deba na jihar a ranar Juma’a, 7 ga watan Disamba.

Sarki ya nada wa mata 5 sarauta a Gombe
Asali: Twitter

Kamfanin dillancin labarai na Najeriya (NAN) ta ruwaito cewa wadanda aka nada wa sarautar sun hada da Fatima Mohammed a matsayin Garkuwan Matan Deba na farko da Aisha Muhammed a matsayin Annurin Deba.

Sauran sune Halima Muhammed a matsayin Tauraruwan Deba, Kulu Tela-Sidi a matsayin Walkiyan Matan Deba sannan Abu Gurkuma a matsayin Sarkin Kudun Deba.

Da yake Magana a wajen taron, sarkin ya bayyana cewa matan sun samu tarin nasarori a bangaren ayyukansu.

KU KARANTA KUMA: Dokar zabe: Ku bi ta kan Shugaba Buhari – PDP ga majalisar dokokin kasar

Usman ya bayyana cewa mata na iya bakin kokarinsu a masarautar inda ya kara da cewa suna da muhimmin rawar ganin takawa a masarautar.

Ya yi kira a gare su da su riki sarautar da aka basu da muhimmanci sannan su yi kokarin ganin ci gaban masarautar.

Idan ka na da wata shawara ko bukatar ba mu labari, a tuntube mu a: labaranhausa@corp.legit.ng

Ku same mu a https://www.facebook.com/legitnghausa

Ko a http://twitter.com/legitnghausa

Latsa wannan domin samun sabuwar manhajar labarai ta LEGIT NG Hausa a wayar ku ta hannu: https://play.google.com/store/apps/details?id=com.naij.hausa&hl=en

Shafin NAIJ Hausa ya koma LEGIT

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng