Biyu babu: An rasa sunan Tambuwal ciki sunayen 'yan takara da INEC ta saki

- Tambuwal na daga cikin 'yan takarar shugaban kasa da Atiku ya kayar a zaben fitar da 'yan takara na jam'iyyar PDP

- Hukumar zabe mai zaman kanta ta kasa (INEC), reshen jihar Sokoto, ta ce babu sunan Tambuwal a cikin jerin sunayen 'yan takara da aka aiko daga Abuja

- Alhaji Mannir Dan Iya ne ya lashe tikitin yin takarar gwamnan jihar Sokoto a karkashin jam'iyyar PDP, a zaben fidda 'yan takara da aka yi a watan Satumba

Hukumar zabe mai zaman kanta ta kasa (INEC), reshen jihar Sokoto, ta ce babu sunan gwamnan jihar, Aminu Waziri Tambuwal, a cikin jerin sunayen 'yan takara da aka aiko daga Abuja.

Malam Sadik Abubakar, kwamishinan hukumar INEC a jihar Sokoto ya shaidawa ya shaidawa gidan Radiyon BBC cewar PDP ta mika sunan Alhaji Mannir Dan Iya ne a matsayin dan takarar ta na gwamna a Sokoto.

Tambuwal na daga cikin 'yan takarar shugaban kasa da Atiku ya kayar a zaben fitar da 'yan takara na jam'iyyar PDP.

Sai dai bayan kammala zaben, jam'iyyar PDP ta nemi ragowar 'yan takarar da Atiku ya kayar, su koma takarar kujerun kujerun da su ke kai.

DUBA WANNAN: Buhari ya ci abinci tare da shugabannnin duniya a kasar Faransa, Hotuna

Alhaji Dan Iya ne ya lashe tikitin yin takarar gwamnan jihar Sokoto a karkashin jam'iyyar PDP, a zaben fidda 'yan takara da aka yi a watan Satumba.

Kwamishinan zabe ya bayyana cewar jam'iyyar PDP na da nan zuwa 1 ga watan Disamba idan ta na da bukatar canja sunan dan takarar kujerar gwamna.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=ng.legit.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng