Labarai

Wani Mutum ya tsaya gaban Alkali tare da Surukarsa kan Gadon Matarsa

Jummaʼa, Oktoba 12, 2018 at 6:42 Safiya daga Mudathir Ishaq 2 - tsawon mintuna

Da sanadin shafin jaridar The Nation mun samu rahoton cewa, wani Mutum Isah Sulaiman, ya gurfana gaban wata Kotun Shari'a ta Magajin Gari dake jihar Kaduna tare da surukarsa kan dambarwar gadon Matarsa da ta riga mu gidan gaskiya.

Sulaiman ya shaidawa kotun cewa, surukarsa, Khadija Ibrahim, ta yi mursisi wajen nannade gado na dukiya da kadarori da Matarsa ta bari nan duniya domin 'ya'yanta kwara uku.

Rahotanni sun bayyana cewa, Sulaiman wanda ke korafin surukarsa yana neman kotu akan ta kwato hakkin 'ya'yan su uku da Matarsa, Aisha, ra rasu ta bari.

Wani Mutum ya tsaya gaban Alkali tare da Surukarsa kan Gadon Matarsa
Asali: UGC

Sai dai Surukarsa ta hau kujerar naki na ci gaba da danne wannan dukiya da cewar ai tuni wata kotun ta raba wannan gardama dake tsakanin su tun yayin rasuwar 'yar ta shekaru 3 da suka gabata.

KARANTA KUMA: Cikin Hotuna: Gwamnatin Tarayya za ta yaki duk wani mai kawowa zaman lafiyar Najeriya cikas

Ta ke cewa, surukin na tun bayan rasuwar 'yar ta da makonni uku ya garzaya gaban alkali inda aka rabon gadon kuma kowa ya kwashi rabonsa bisa tsari da kuma tafarki na addinin Islama.

Kamar yadda kamfanin dillancin labarai na Najeriya ya ruwaito, alkalin kotun, Musa Sa'ad, ya nemi su gabatar da takardu na shaidar rabon gadon da waccan kotun ta gudanar inda kuma ya daga sauraron karar zuwa ranar 24 ga watan Okotoba.

Na nan tafe, shafin Hausa.legit.ng zai sauya suna zuwa Hausa.legit.ng. Hakika muna mika godiyar mu ta musamman a gare ku yayin da kuke ci gaba da kasancewa tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Domin shawara ko bamu labari, a tuntube mu a: labaranhausa@corp.legit.ng

Ku duba shafukanmu na dandalin sada zumunta a:

https://business.facebook.com/pg/naijcomhausa

https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Abun Al Ajabi