Labarai

Kalli hotunan wasu kayatattun Masallatai 5 da suka fu kyau a Duniya

Alhamis, Agusta 23, 2018 at 6:26 Safiya daga Mudathir Ishaq 2 - tsawon mintuna

Sanannen abu ne ga Musulmai da ba wadanda ba Musulmai ba cewa Masallaci wani kebabben wuri ne de da mabiya addinin Musulunci ke zuwa don ganawa da Ubangijinsu, watau ta hanyar Sallah, karatu da kuma wa’azantarwa.

Saboda wannan muhimmanci dake tattare da Masallaci ne yasa Musulmai a duk fadin duniya suke kyautata Masallatai da kwalloua irin wanda ta dace, da wannan ne majiyar Legit.ng ta kawo muku hotunan masallatai biyar da suka di kawa a Duniya.

KU KARANTA: Yadda Sanata Wammako ya azurta wani mai sana’ar sayar da Kwakwa a ranar Sallah

Masallacin Harami

Wannan shine Masallaci na farko a Duniya da aka yi shi don bautan Allah, kuma yafi kowanne Masallaci daraja a wajen Allah, kamar yadda Al-Qur’ani ya tabbatar, kuma an gina shi ne a garin Makkah, wanda a yanzu haka yana cin sama da mutum miliyan 4 a ciki da wajensa.

Kalli hotunan wasu kayatattun Masallatai 5 da suka fu kyau a Duniya — Harami

Masallacin Annabi

Wannan shine Masallacin da Annabi ya gina a lokacin daya koma garin Yathriba, watau Madina, sa’annan shine Masallaci mafi daraja wanda a jikinsa aka binne Manon Allah tsira da amincin Allah su tabbata a gareshi, da manyan sahabbansa.

Masallacin Qudus

Shidai wannan Masallaci na uku a cikin jerin Masallatan duniya yana nan ne a kasar Isra’ila, cikin garin Jerusalem, wanda a baya ma shi Musulmai suke fuskanta a matsayin Al’kiblah don gudanar da Sallah, ta cikin wannan Masallaci Annabi yayi mi’iraji.

Masallacin Hassan

Wannan Masallaci an gina shi ne a shekarar 1993 a kasar Morocco a birnin Casablanca, kuma yana nan a gab da tekun Atalakantik, tsayin hasumiyarsa ta kera mita 210.

Masallacin Sultan Brunei

Wannan shine Masallacin Sultan Omar Ali Saifuddin an gina shi a shekarar 1958 a babban birnin kasar Brunei, Bandar Seri Begawan, wanda domin tsananin kyawunsa, jama’a daga kasashen wajen na zuwa yawon bude ido a Masallacin.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Malamin addinin Musulunci