Rai bakon Duniya: Kananan yara yan makaranta 22 sun nutse a babban Tekun Nilu

Laraba, Agusta 15, 2018 at 3:46 Yamma daga Mudathir Ishaq 1 - tsawon mintuna

- Dalibai 22 sun gamu da ajalinsu a sakamakon hadarin Teku

- Daliban sun gamu da ajalin ne yayin da suke kan hanyarsu ta zuwa Makaranta

Akalla kananan yara yan makaranta su ashirin da biyu ne suka gamu da ajalinsu a sakamakon jirkicewar kwale-kwalen dake dauke dasu yayi a cikin Tekun Nilu a yayin da suke kan hanyarzu ta zuwa makarantar, inji rahoton kamfanin dillancin labaru.

Majiyar Legit.ng ta ruwaito wannan lamari ya faru ne a kasar Sudan, inda kwale kwalen dake dauke da daliban ya jirkice, sa’annan ya nutse, wanda hakan yayi sanadin rasa rayukan dalibai 22 daga cikin dalibai 40 dake cikinta.

KU KARANTA: Hajji ibadar Allah: Gwamnatin kasar Birtaniya ta tura Sojojinta don gabatar da aikin Hajji

Haka zalika baya ga daliban, akwai wata babbar Mata data rasu a sakamakon hadarin Tekun, wanda ya faru a sakamakon mamakon ruwan sama da ya sauka, wanda yayi sanadin ambaliyan ruwa cikin kwale kwalen, daga nan ya nutsa.

Zuwa yanzu dai hukumomi a kasar Sudan na ta kokarin neman gawarwakin mamatan a daidai inda hatsarin ya faru a cikin tafkin Nilu.

Ku biyo mu a https://www.facebook.com/naijcomhausa

ko a http://twitter.com/naijcomhausa

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Yar Makaranta