Labarai

Hukumar NAFDAC ta dakile wata babbar annoba da aka so shigowa da ita kasar nan

Litinin, Yuli 30, 2018 at 9:57 Yamma daga Mudathir Ishaq 2 - tsawon mintuna

- Sauran kiris a shigo da wasu gurbatattun kaya Najeriya

- Sai dai hukumar NAFDAC tayi nasarar cafke su kafin hakan ta afku

- Amfani da kayan da wa'adin ingancinsu ya kare na iya nakasa ko kashe wanda yayi ta'ammali da su

Hukumar Lura da Ingancin Abinci da Magunguna ta kasa (NAFDC) ta kama rubabbun kayan ganyayyaki da dangoginsu da nauyinsu ya kai kilogiram 3,300 na kamfanin PINGIUN.

Hukumar NAFDAC ta kiyaye Najeriya daga wata babbar annoba da aka so shigowa da ita kasar nan — Babbar Daraktan hukumar Farfesa Mojisola Uku

Babbar Daraktan hukumar Farfesa Mojisola Uku ce ta bayyana hakan ga manema labarai cikin wata sanarwa da ta fitar a yau Litinin a birnin tarayya Abuja.

KU KARANTA: Aikin Hajji: Saudiyya zata rage gurbin mahajjatan Najeriya a shekara mai zuwa saboda dalili 1 tak

Daraktan ta kara da cewa ta samu bayanin sirri ne kan shigowa rubabben kayan lambun ne tun a watan Yuli daga hukumar kula da tsaftar abinci ta kasa wato FSAN, inda jami'an hukumarta da ke fadin kasar nan suka himmatu wajen ganin sun dakile tare da kame wadannan gurbatattun kayan lambun da zarar an shigo da su kasar nan.

“Amfani da gurbatattun kayan abinci ko na sha ga al'umma kan haifar da mummunar illah ga jikin bil-Adama ko dabbobi, wanda hakan kan kai ga asarar rayuka" in ji Adeyeye.

Ta kuma kara da cewa wadannan kayan lambun da hukumarta ta kama za'a lalata su ne domin haka ne kadai zai kara bayar da kariya ga yan kasar nan.

A karshe kuma ta shawarci al'umma a duk inda su ke a fadin kasar nan da su yi kokarin mika dukkanin wani kayan lambu na kamfanin PINGUIN, nusamman wanda aka yi su a ranar 13 ga watan Agusta na Shekarar 2016 zuwa ranar 20 ga watan Yunin Shekarar 2018 zuwa ga ofishin hukumar NAFDAC mafi kusa da su

Latsawannandominsamunsabuwarmanhajarlabarai ta Legit.ng Hausa a wayarku ta hannu:

https://play.google.com/store/apps/details?id=com.naij.hausa&hl=en

Ku biyo mu a shafukanmunadandalinsadazumunta:

Facebook: https://facebook.com/naijcomhausa

Twitter: https://twitter.com/naijcomhausa

Idankuna da watashawarakobukatarbamulabari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng