Labarai

Shari’ar Maryam Sanda: An samu babban cikas, an sake daga zaman da watanni 3

Alhamis, Yuni 28, 2018 at 8:42 Yamma daga Mudathir Ishaq 2 - tsawon mintuna

Shari’ar Maryam Sanda, wacce ake zargi da kisan maigidanta, Bilyaminu Bello, ya samu cikas a yau Alhamis sakamakon rashin lafiyan lauyan gwamnati a kotu.

Yayinda aka dawo shari’ar a yau, lauyan gwamnatin CSP James Idachaba ya bukaci kotu ta daga karar saboda bai jin dadi kuma ba zai iya cigaba da zaman ba.

Yace: “Mai girma mai shari’a. ba ni jin dadi, ina bukatan ganin likti, da kyar na zo nan saboda muhimmancin wannan karar."

"Mai shaida da za’a yiwa tambayoyi na kotu yanzu domin nuna yadda muka dauki karar da muhimmanci, ina neman alfarman kotu ta daga wannan zama.”

Lauyoyin Maryam Sanda sun nuna amincewarsu da bukatar kuma saboda haka, Alkalin kotun, Jastis Yusuf Halilu, ya bada alfarman kuma ya daga karar.

Shari’ar Maryam Sanda: An samu babban cikas, an sake daga zaman da watanni 3

Bias ga hutun alkalai da za’a je, an daga karar zuwa ranan 3 ga watan Oktoba bias ga yardan dukkan lauyoyin.

Gabanin yanzu, rahoto ya bayyana cewa lauyan Maryam Sanda, Joseph Daudu, ya bukaci kotu ta jinkirta masa domin wasu ayyuka da yake yi, amma daga isowarsa aka daga zaman.

KU KARANTA: Sarauniyar Ingila ba lafiya

Ana tuhumar Maryam Sanda da kisan mijinta, Bilyamin Bello, dan tsohon shugaban jam’iyyar PDP, Alh Bello Halliru Muhammad.

Tana gurfana ne tare da mahaifiyarta, Maimuna Aliyu; dan uwanta, Aliyu Sanda; da kuma wata Sadiya wacce ta taimaka wajen goge jinni mijin bayan kashe shi.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng