Abun na yi ne: An sake sace sandar kungiyar majalisar tarayya

- Sandar girma ta kungiyar karamar majalisar birnin tarayya (AMAC) ta bata sannan an lalata wani banare na majalisar sakamakon rikici tsakanin ‘yan majalisar a ranar Alhamis

- AMAC tana daya daga cikin kananan majalisu shida dake akwai a babban birnin tarayya (FCT)

- Bacewar sandar ya kawo rikici sosai a cikin majalisar bayan kira da suka yi akan tsige shugaban majalisar Daniel Shanyibwa Michael, akan rashin adalci a jagorancinsa

Sandar girma ta kungiyar karamar majalisar birnin tarayya (AMAC) ta bata sannan an lalata wani banare na majalisar sakamakon rikici tsakanin ‘yan majalisar a ranar Alhamis.

AMAC tana daya daga cikin kananan majalisu shida dake akwai a babban birnin tarayya (FCT).

Bacewar sandar ya kawo rikici sosai a cikin majalisar bayan kira da suka yi akan tsige shugaban majalisar Daniel Shanyibwa Michael, akan rashin adalci a jagorancinsa.

Mataimakin shugaban majalisar Haruna Musa Saidu, yayi ikirarin cewa shugaban majalisar da saja mai daukar sandar ne suka dauki sandar suka gudu da ita daga majalisar.

KU KARANTA KUMA: Dandalin kannywood: Rahma Sadau ta samu lambar yabo a matsayin jarumar jarumai na shekara

Yusuf Tahir Kadir, shugaban masu rinjaye a majalisar shine wanda ya kawo shawarar tsige shugaban majalisar daga kujerarsa a zaman majalisar na jiya, sakamakon yana yanke hukunci ba tare da shawartar sauran ‘yan majalisar ba.

Hakan na zuwa ne a daidai lokacin da jami'an tsaro suka gano sandar majalisar jihar Gombe wanda aka arce da ita a ranar Alhamis din.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng