Siyasa

Wasu Mata da za a yi gumurzu da su a zaben 2109

Lahadi, Mayu 06, 2018 at 10:35 Yamma daga Mudathir Ishaq 2 - tsawon mintuna

A yayin da zaben shekarar 219 ke kara matsowa, 'yan takarar kujeru daban-daban na kara fitowa domin nuna sha'awar su ta yin takara a jam'iyyun kasar nan.

Duk da korafin da mata keyi na ba basu dama a siyasance kamar yadda ya kamata, wasu mata sun bugi kirji sun fito domin a dama da su.

1. Dakta Salma Kolo

Tsohuwar kwamishiniyar lafiya a jihar Borno ta fito domin karawa da Sanata Ali Ndume a takarar kujerar Sanatan jihar Borno ta kudu a karkashin jam'iyyar APC.

2. Binta Binta: Tsohuwar kwamishiyar mata a jihar Gombe ta bayyana niyyar ta na tsayawa takarar kujerar majalisar wakilai a mazabun Kaltungo!Shongom a karkashin jam'iyyar PDP.

Wasu Mata da za a yi gumurzu da su a zaben 2109

3. Mimi Adzafe-Orubibi: Shugabar hukumar tattara haraji ta jihar Benuwe na son tsayawa takarar kujerar Sanata wacce yanzu tsohon shugaban jam'iyyar PDP, Barnabas Gemade, ke kai.

4. Sanata Bamisola Saraki: Har yanzu tana sha'awar tsayawa takarar gwamnan jihar Kwara duk da ta sha kaye a takarar kujerar a 215.

Bamisola, kanwa ce wurin shugaban majalisar dattijai, Abubakar Bukola Saraki, kuma yanzu ta dawo jam'iyyar APC.

DUBA WANNAN: Kwarankwatsa ta fado a jihar Taraba, ta kashe mutane biyar tare da raunata Fasto

5. Sanata Rose Oko: Sanata mai wakiltar jihar Kuros Riba ta Arewa ta bayyana niyyar ta na sake tsayawa takara a zabe mai zuwa duk da yawan masu son maye gurbin ta.

6. Fasto Margaret Inusa: Duk da bata yi fice a tsakanin 'yan siyasar Najeriya ba, Margaret zata tsaya takarar gwamna a jam'iyyar ADP tunda gwamnan jihar, Simon Lalong, zai kara tsayawa takara a jam'iyyar APC.

7. Aisha Dahiru Ahmed: Tsohuwar mamba a majalisar wakilai daga jihar Yola karkashin jam'iyyar PDP da yanzu ta koma APC inda take burin yin takarar kujerar Sanatan jihar Adamawa ta tsakiya, kujerar da ta fadi zaben ta a shekarar 215 a karkashin jam'iyyar PDP.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Karatun Ilimi