Labarai

Ajali yayi kira: Ruwan sama kamar da bakin kwarya yayi awon gaba da wasu daliban sakandari

Jummaʼa, Maris 30, 2018 at 7:40 Safiya daga Mudathir Ishaq 1 - tsawon mintuna

An tsinci gawar wasu dalibai maza guda biyu a unguwar Alagbado bayan wani ruwan sama da aka sha kamar da bakin karya a jihar Legas a ranar Alhamis 29 ga watan Maris, inji rahoton Daily Trust.

Majiyar Legit.ng ta ruwaito wasu yan achaba ne suka tsinci gawarwakin yayin da ruwa yake tafiya dasu a tashar mora ta Casso, inda a tare da bata lokaci ba suka garzaya dasu zuwa Asibiti, inda a can aka tabbatar da mutuwarsu.

KU KARANTA: Ana murna bako ya tafi: Yan bindiga sun kai wani hari a Kaduna, sun kashe mutum 6

Kamfanin dillancin labaru, NAN, ta ruwaito daya daga cikin yan Achaban wanda yace sun tsinci yaran sanye cikin kayan makarantarsu, “Ban san me suka je yi a makaranta ba, bayan an sanar da yau a matsayin ranar hutu saboda zuwa shugaban kasa Muhammadu Buhari. Ga shi yanzu sun mutu.”

Ajali yayi kira: Ruwan sama kamar da bakin kwarya yayi awon gaba da wasu daliban sakandari — Ruwan sama a Legas

Sai dai wani jami’in Asibitin ya bayyana bakin cikinsa da faruwar wannan lamari, inda yace a mace aaka kawo yaran. Daga bisani wasu yan uwan yaran sun isa Asibitin, inda aka hangesu suna kuka suna ihu tare da birgima a kasa.

Ku biyo mu a https://www.facebook.com/naijcomhausa

ko a http://twitter.com/naijcomhausa

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Yar Makaranta