Labarai

An hallaka mutane guda 3 a wani harin da yan bindiga suka kai jihar Kogi

Talata, Maris 20, 2018 at 4:25 Yamma daga Mudathir Ishaq 1 - tsawon mintuna

Rundunar Yansandan jihar Kogi ta tabbatar da mutuwar mutane guda uku a sakamakon wani harin ba sani ba sabo da yan bingida suka a kauyen Agbenema dake karamar hukumar Omala na jihar Kogi.

Kamfanin dillancin labarun, NAN, ta ruwaito Kaakakin rundunar Yansandan jihar, ASP Willaim Aya ya sanar da haka, inda yace an kai wannan harin ne a ranar 19 ga watan Maris.

KU KARANTA: Kisan Buharin Daji: Yan bindiga sun cigaba da kai munanan hare hare a Zamfara

Sai dai majiyar Legit.ng ta ruwaito Kaakaki Aya ya musanta labarin da ake yadawa na cewa mutane 11 ne suka rasa rayukansu, har ma ana cewa wai har da wani basaraken gargajiya a cikin wadanda aka kashe.

Mista Aya yace kwamishinan Yansandan jihar, Ali Janga ya bukaci jama’a da su cigaba da gudanar da al’amuransu na yau da kullum, ba tare da wata fargaba ba.

Hakazalika kwamishina ya shawarci masu amfani da shafukan sadarwa na yanar gizo da su dinga tabbatar da sahihancin labarai kafin su wallafa a shafukan nasu, don gudun kada su dinga shayar da mutane labaran karya.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Yan Fashi Da Makami