Rundunar Sojin Najeriya sun aika Makiyaya 10 lahira a wani Kauye

Laraba, Faburairu 28, 2018 at 7:28 Safiya daga Muhammad Malumfashi 2 - tsawon mintuna

- An yi musayar wuta tsakanin Sojoji da wasu Makiyaya a Numan

- Makiyayan sun kona gidajen jama’a a wani Kauye a cikin Garin

- Janar Texax Chukwu yace Sojojin sa sun takawa Makiyayan burki

Dakarun Sojojin Exercise Ayem Akpatuma da aka tura domin kawo karshen rikicin Makiyaya sun fara aiki kuma har sun damke wasu Makiyaya da su ka kona wani gari a cikin Jihar Adamawa. Tuni Sojoji su kayi ram da wadannan Makiyaya.

Rundunar Sojin Najeriya sun aika Makiyaya 10 lahira a wani Kauye — An kashe Makiyaya 10 an kuma kama 6 a Adamawa

Bataliyar Sojojin Operation Cat Race da aka aika Garin Numan a cikin Jihar Adamawa sun agazawa wata Runduna inda su ka ceci mutanen Garin Gwamba da Makiyaya su ka tasa a gaba har su ka kona gidaje rututu a jiya Talata.

KU KARANTA: An kashe wasu manyan Sojojin Boko Haram

Makiyayan sun kona gidaje da dama na Jama’a a Kauyen na Gwamba kafin Dakarun Najeriya su kawo dauki. Ana zargin Makiyaya sun kashe wasu daga cikin mutanen Garin a harin da su ka kai kafin Jami’an tsaro su isa wurin.

Sojojin kasar sun kama mutane 6 yayin da su ke kokarin tserewa a wani kauye mai suna Garigiji. An kuma kashe Makiyaya kimanin 10 bayan musayar wuta sannan an karbe makamai na bindigogin Ak-47 da sauran su a hannun Makiyayan.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng