Fitacciyar jaruman fina-finan Bollywood Sridevi ta mutu
- Allah yayi wa jarumar fina-finan Indiya mai suna Sridevi Kapoor rasuwa a ranar Asabar
- Sridevi Kapoor ta mutu ne a Dubai bayan sn je wani baki tare da mjin ta a Dubai
Shararriyar jarumar fina-finan Indiya na Bollywood Sridevi Kapoor, ta rasu a daren ranar Asabar sakamakon bugun zuciya a birnin Dubai.
Sanjay Kapoor, dan uwan mijin jarumar, ya sanar wa manema labarun kasar India mutuwar ta.
Sridevi Kapoor, ta mutu ne a Dubai bayan sun je wani biki tare da mijinta Boney Kapoor da diyar ta mai suna Khushi.
An haifi Sridevi ne a ranar 13 ga watan Augusta, 1963 a Tamil Nadu dake kasar Indiya. Ta mutu ta na da shekaru 55 a duniya.
KU KARANTA : Jaruman Indiya 10 mafi kyawun halitta
Fim dinta na farko da ta yi wato na Hindi shi ne fim din Solva Sawan wanda aka yi shi a shekarar 1979.
Sridevi Kapoor, tayi fina-finai fiye da 150 ciki har da wadanda da suka yi fice kamar, Mawali, Sadma, Mr India, Chandni, Nagin, Chalbaaz, Janbaaz, English Vinglish, Chandra Mukhi da kuma fim din ta na karshe mai suna Mom.
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/naijcomhausa
Twitter: https://twitter.com/naijcomhausa
Idan kuna da wata shawara ko bukatar bamu labari, Tuntube mu a: labaranhausa@corp.legit.ng
Asali: Legit.ng
