Labarai

An tsaurara matakan tsaro yayin gurfanar Shema gaban kotu

Laraba, Faburairu 14, 2018 at 12:13 Yamma daga Mudathir Ishaq 2 - tsawon mintuna

- An gurfanar da tsohon gwamnan jihar Katsina, Ibrahim Shema, gaban wata kotun Najeriya dake Katsina

- Shema da wasu mutane uku na fuskantar tuhumar cin amana da almundahanar kudi, biliyan N11bn

- An tsananta tsaro a harabar kotun yayin bayyanar tsohon gwamna Shema a jiya, Talata

An tsananta tsaro a babbar kotun Katsina a jiya yayin da aka ci gaba da sauraron karar da hukumar yaki da cin hanci da rashawa EFCC ta shigar da tsohon gwamnan jihar Katsina, Ibrahim Shehu Shema.

Hukumar EFCC ta gurfanar da Shema tare da Hamisu Makana, Lawal Ahmad Safana, da Ibrahim Lawal Dankaba bisa zarginsu da cin amana da kuma sama da fadi da kudin jama'a da yawansu ya kai biliyan N11bn.

An tsaurara matakan tsaro yayin gurfanar Shema gaban kotu — Tsohon gwamna Ibrahim Shema

Kotun ta dakatar da sauraron karar a watan Fabrairu na shekarar 2017 bayan lauyan Shema ya kalubanci hurumin kotun na sauraron karar a gaban wata kotun daukaka kara dake Kaduna, wacce ita kuma ta mika maganar gaban kotun koli ta tarayya.

Saidai kotun kolin ta ki amincewa da bukatar lauyan Shema tare da umartar kotun da ta ci gaba da sauraron karar.

DUBA WANNAN: Akwai makiya dimokradiyya cikin ministocin Buhari - Saraki

Bayan sauraron jawaban lauyoyin kowanne bangare, alkalin kotun, Ibrahim Maikaita, ya tsayar da ranakun 10, 11, da 12 ga watan Afrilu domin cigaba da sauraron karar.

Gwamnatin jihar Katsina ce karkashin gwamna Aminu Masari, dan jam'iyyar APC, ta gayyaci hukumar EFCC domin ta kwato kudaden jihar da tayi zargin tsohon gwamna Shema dan jam'iyyar PDP da wawure wa daga asusun jihar.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Gwamnan Jihar Katsina Aminu Bello Masari