Labarai

Bidiyo da hotunan yara masu kada kuri’a: Aikin yaran Kwankwaso ne - Ganduje

Talata, Faburairu 13, 2018 at 9:54 Yamma daga Mudathir Ishaq 1 - tsawon mintuna

Gwamnan jihar Kano, Abdullahi Umar Ganduje, ya yi watsi da hotuna da bidiyon da ya watsu a kafafen sada ra’ayi da zumunta da ke nuna kananan yara yan kasa da shekaru 18 suna kada kuri’a.

Ya bayyana cewa wannan aikin yan adawa ne kawai domin bata sunan gwamnatinsa.

Yayinda yake tattaunawa da manema labarai a fadar shugaban kasa Aso Villa, gwamna Ganduje wannan kaidin magoya bayan tsohon gwamnan jihar, Rabiu Kwankwaso ne kawai.

A jawabinsa yace: “Ku tambayi yan kasashen wajen da suka zo sa ido a zaben, ai sun yi hira da manema labarai bayan zagayawarsu. Ku tambaye su, sun shiga layi sun kada kuri’a? Ba zai yiwu ba. Saboda haka, ba mu da lokacin kace-nace dasu”.

Bidiyo da hotunan yara masu kada kuri’a: Aikin yaran Kwankwaso ne - Ganduje

Kuma game da rikicinsa da Kwankwaso, Ganduje ya nuna cewa ana son a dinga masa juyin waina ne kuma ba zai yarda ba.

KU KARANTA: Gwamann jihar Bauchi ya kaiwa Maikanti Baru ziyara Abuja

Yace: “Kun san yadda yanayin mulki yake. Bai yiwuwa a ce ka na mulki amma ba kai ke mulkin ba, wani can ne zai rika jujjuya ka daga waje.”

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Domin shawara ko buƙatar bamu labari, tuntuɓe mu a: labaranhausa@corp.legit.ng

Ku duba shafukanmu na dandalin sada zumunta a: https://facebook.com/naijcomhausa https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Rabiu Kwankwaso