Labarai

Gobara ta lashe shaguna 30 a kasuwar wayoyin salula ta jihar Kano

Jummaʼa, Faburairu 09, 2018 at 5:16 Safiya daga Mudathir Ishaq 2 - tsawon mintuna

Kimanin shagunan tafi da gidanka 30 ne suka suka salwanta a wata gobarar sassafiya da ta afku a kasuwar wayoyin salula ta Farm Centre dake tantagwaryar birnin jalla babbar hausa wato jihar Kano.

Kakakin hukumar 'yan kwana-kwana na jihar, Alhaji Sa'idu Muhammad, shine ya shaidawa 'yan jarida na kamfanin dillancin labarai na Najeriya a ranar Alhamis din da ta gabata, inda yake cewa gobarar ta afku ne da misalin karfe 1:55 na daren ranar.

Jaridar Daily Trust ta ruwaito cewa, jami'in dan sanda, ASP Abba Sabo na ofishin 'yan sanda dake unguwar Kwalli, shine ya aika da kiran gaggawa ga hukumar ta kwana-kwana, inda cikin gaggawa suka aika da ma'aikatansu wannan kasuwa domin cika aikin da rataya a wuyansu.

Alhaji Sa'idu ya alakanta wannan tsautsayi da tangardar wutar lantarki, inda wayoyi suka game da juna a wani sashe na kasuwar.

KARANTA KUMA: Dalilin da yasa gwamnatin tarayya ta mayar wa shugaban NHIS kujerar sa

Ya kuma bai wa 'yan kasuwar shawarwari da mazauna yankin, akan kiyaye yadda suke mu'amalantar kayayyaki masu amfani da wutar lantarki domin gujewar afkuwar hakan a karo na gaba.

A yayin haka kuma, jaridar Legit.ng ta ruwaito cewa, ma'aikata za su yiwa gwamnatin jihar Kano tawaye dangane da tatsar masu albashin su da take yi a kowane wata.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Domin shawara ko buƙatar bamu labari, tuntuɓe mu a: labaranhausa@corp.legit.ng

Ku duba shafukanmu na dandalin sada zumunta a:

https://facebook.com/naijcomhausa

https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Kano