Labarai

Rikicin Benuwe : IG ya tura rundunonin ‘yansada na musamman jihar Bneuwe

Talata, Faburairu 06, 2018 at 10:41 Safiya daga Mudathir Ishaq 2 - tsawon mintuna

- Sifeto janar na 'yansanda ya tura rundunonin ‘yansanda na mussaman guda 15 jihar Benuwe

- Kwamishinan 'yansadan jihar Benuwe ya ce jami'an su a shirye suke su fatattaki masu ta da zaune tsaye a jihar Benuwe

Sifeto Janar na ‘yansanda, Ibrahim Idris, ya tura rundunonin ‘yansanda na mussaman guda 15 jihar Benuwe dan kawo karshen kashe-kashen da ake yi a jihar

Kwamishinan ‘yansandan jihar Benuwe, Fatai Owoseni, ya bayyana haka a ranar Litinin a lokacin da yake zantawa da manema labaru birnin Makurdi.

“Babban burin sifeto janar na ‘yasandan Najeriya shine kawo karshen kashe-kashen da ake yi a fadin kasar.

Rikicin Benuwe : IG ya tura rundunonin ‘yansada na musamman jihar Bneuwe

“Wannan shine dalilin da yasa ya turo mana rundunoni ‘yansanda na musaman dan taimakawa jami’an mu dake nan," inji Owoseni.

KU KARANTA : Kashi 70% daga cikin fursunonin dake jiran kotu ta yanke musu hukunci satar rake da doya suka yi – Abubakar Malami

Ya ce an samu zaman lafiya a kauyen Yogbo, kuma an tura jami'an ‘yansanda kananan hukumomin Kwande, Agatu, Gboko, Makurdi, Buruku, Katsina-Ala, Gwer West da Vandeikya.

Kwamishinan ya tabbatar da ceto dansandan da ya bace a lokacin da makiyaya suka kai wa garin Yogba dake karamar hukumar Guma hari a watan Faburairu.

Owoseni yace rundunar su ashirye suka su fatattaki masu ta da zaune tsaye a jihar Benuwe.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng