Labarai

Fasa zuwa Kano da Kwankwaso ya yi, ya bar baya da ƙura, wani Matashi ya yi asarar Filinsa da Motarsa

Talata, Janairu 30, 2018 at 3:25 Yamma daga Mudathir Ishaq 1 - tsawon mintuna

A sakamakon dage shiga jihar Kano da tsohon gwamnan jihar, Sanata Rabiu Musa Kwankwaso yayi a ranar Litinin 29 ga watan Janairu, hakan ya bar baya da kura a tsakanin magoya bayansa.

A cikin wani zantawa da BBC Hausa ta yi da wasu magoya bayan Kwankwaso na hakika, wani daga cikinsu mai suna Honorabula Gamboliya Jahir ya tafka asara, a sakamakon caca da yayi dangane da ziyarar Kwankwason.

KU KARANTA:

Majiyar Legit.ng ta ruwaito Gamboliya ya yi alkawarin kyautar da Motarsa da Filinsa, matukar jagoran Kwankwasiyya ya fasa shiga jihar Kano a ranar 30 ga watan Janairu, kamar yadda ya shirya a baya, inda yace ya tabbatar Kwankwaso baya magana biyu.

“Ni ban ji komai ba, dama abubuwan nan a Duniya na same su, kuma a Duniya zan bar su.” Inji Honorabul Gamboliya Jahir.

Ita kuwa wata matashiyar yar siyasa da ta nemi a sakaya sunanta ta tabbatar ma majiyar mu lallai sai sun yi taro a ranar Litinin ko ba Kwankwaso, inda tace zama cikin APC ba dole bane, kuma idan Kwankwaso ya ga dama ya tsaya, ita kam tayi tafiyarta.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kwankwasiyya