Alexis Sanchez zai kwashi makudan miliyoyi a Manchester United

- ‘Dan wasan zai tattara ya koma bugawa Koci Jose Mourinho

- Alexis Sanchez ya ki sabunta kwangilar sa da Arsene Wenger

- 'Dan wasan zai tashi daga Arsenal zuwa Man Utd kwanan nan

Mun samu labarin yadda ‘Dan wasa Alexis Sanchez zai kwashi makudan miliyoyi a matsayin albashin sa kowane mako a Kungiyar Manchester United inda ake sa rai zai koma taka leda cikin 'yan kwanaki kadan masu zuwa.

Kungiyar Manchester ta Jose Mourinho za ta biya ‘Dan wasan na Kasar Chile sama da fam miliyan £350, 000 a kowane makon Duniya. Bayan nan kuma ‘Dan wasan mai shekaru 29 a Duniya na iya karbar wasu garabasa idan an dace a kulob din.

KU KARANTA: Gwamnatin Amurka ta tsaya cak a farkon shekara

Babban ‘Dan wasan gaban ya ki amincewa da sabon kwantiragi a Arsenal ne inda ya amince ya koma Manchester United. Tsohon Kocin sa Pep Guardiola yayi kokarin kawo ‘Dan wasan gaban zuwa Manchester City a watan nan.

Idan har Arsenal tayi sake, Sanchez zai tashi araha banza inda za tayi biyu-babu don haka ta saida shi cikin kaka kan kudin da ya kai fam Miliyan £35. Ana za ran kuma ‘Dan wasan tsakiya Henrikh Mkhitaryan ya koma Arsenal.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng