Wani shu'umin matsafi da ya kashe 'yan sanda biyu ya gamu da fushin sojojin Najeriya

Wani shu'umin matsafi da ya kashe 'yan sanda biyu ya gamu da fushin sojojin Najeriya

- Sojoji sun karya karyan tsafin wani mutum da ya kashe jami'an 'yan sanda

- Matsafin da abokansa sun addabi jama'ar jihar Akwa Ibom

- An samu makamai masu yawa a sansanin matsafan da aka kashe

Rundunar hukumar soji ta biyu a jihar Akwa Ibom ta ce ta kai wani samame a wata maboyar 'yan kungiyar asiri a ranar Litinin, 15 ga watan Janairu, inda ta yi nasarar kashe shugaban kungiyar, Akaninyene Jumbo, bayan ta cin masa a iyakar jihohin Akwa Ibom da Abiya.

Mataimakin darektan yada labaran hukumar a jihar Akwa Ibom, Umar Shu'aib, ya sanar da haka ga manema labarai a jiya Talata, 16 ga watan Janairu.

Wani shu'umin matsafi da ya kashe 'yan sanda biyu ya gamu da fushin sojojin Najeriya

Wani shu'umin matsafi da ya kashe 'yan sanda biyu ya gamu da fushin sojojin Najeriya

"Dakarun sojin Najeriya, runduna ta biyu, sun yi nasarar kashe gawurtaccen dan kungiyar asiri, Akaninyene Jumbo da aka sani da Isopafit, a ranar 15 ga watan Janairu, a wani kauye dake kan iyakar jihar Akwa Ibom da Abiya. Mun yi nasarar gano inda matsafin ta hanyar amfani da wasu bayanan sirri," inji Shuaib.

KU KARANTA: Hukumar EFCC ta gurfanar da dan tsohon gwamna saboda cuwa-cuwan N92m

Isopafit fitacce ne a wajen aiyukan ta'addanci a karamar hukumar Ukanafun dake jihar Akwa Ibom.

Da yake karin bayani a kan aiyukan ta'addancin Isopafit, Shuaib ya kara da cewa "Ya taba jagorantar kisan wasu 'yan sandan Najeriya guda biyu da wani direban mota a ranar 17 ga watan Disamba, na shekarar da ta gabata. Kazalika ya taba kitsa kisan wata 'yar uwa ga wani kwamishina da karin wasu mutum biyu a garin Ikot Oko dake karamar hukumar Ukanafun a ranar 19 ga watan Nuwamba, 2017."

Kafin gamuwa da ajalinsa, shugaban kungiyar asirin ya sha kaucewa kamun hukuma a lokuta da dama.

Bayan kashe Isopafit, dakarun sojin sun kai samame sansanin ragowar 'yan kungiyar sa dake kauyen Ikpe a karamar hukumar Etom Ekpo, tare da kashe wasu yaransa guda biyu, Aniebet Efiong Udoh da Thankgod Friday, yayin da wasu suka tsere da raunuka bayan musayar wuta.

An samu makamai a wurin 'yan ta'addar da suka hada bindigu, manya da kanana, da alburusai masu yawa.

An ajiye gawar 'yan ta'addar a dakin adana gawa na asibitin koyarwa dake Uyo, babban birnin jihar Akwa Ibom.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Hausa.legit.ng

Tags:
Mailfire view pixel