Labarai

Kimani mutane 158 suka mutu a hadari na hanya a jihar Katsina a shekarar 2017 – Inji FRSC

Lahadi, Disamba 31, 2017 at 4:52 Yamma daga Mudathir Ishaq 2 - tsawon mintuna

- Hukumar FRSC ta ce kimani mutane 158 suka mutu a hadarin hanya a jihar Katsina a shekarar 2017

- Hukumar ta ce an samu yawan hadari na hanya 284 wadanda suka shafi motoci 466 a fadin jihar

-Babban Kwamandan FRSC ya bukaci masu motoci su daina yin amfani da gajiyayyen tayoyin mota mara kyau

Hukumar tabbatar da tsaron hanyar mota na tarayya (FRSC) ta ce kimanin mutane 158 suka rasa rayukansu a hadarin mota a fadin jihar Katsina a shekara ta 2017.

Mista Godwin Ngueku, babban kwamandan hukumar FRSC a jihar, ya bayyana hakan a wata hira da majiyar Legit.ng a ranar Asabar, 30 ga watan Disamba a Katsina.

"Kimani mutane 183 ne suka halaka a hadarin mota a 2016 da kuma mutane 158 a shekara ta 2017, wannan ya nuna raguwar asarar rayuka da ake samu a hadarin mota a jihar, wanda shine daya daga cikin manufofin hukumar FRSC", in ji shi.

Kimani mutane 158 suka mutu a hadari na hanya a jihar Katsina a shekarar 2017 – Inji FRSC — Hukumar tabbatar da tsaron hanyar mota na tarayya (FRSC)

Ya ce an samu yawan hadari na hanya 284 wadanda suka shafi motoci 466 a fadin jihar.

KU KARANTA: Wasu ‘yan bindiga sun yi garkuwa da dan majalisar jihar Taraba

Ngueku ya kara da cewa mutane 1,749 suka kasance a cikin hatsarori, yayin da mutane 993 suka samu raunuka daban-daban.

Ya daganta manyan abubuwan da ke jawo hatsarorin a matsayin obalodi, gudu, ganganci ga tuki da sauransu.

Ngueku ya bukaci masu motoci su ci gaba da bin dokoki da ka'idojin zirga-zirga, da kuma dakatar da yin amfani da gajiyayyen tayoyin mota mara kyau a matsayin wani ɓangare na kiyaye haduran hanya.

Idan ka na da wani shawara ko bukatan bamu labari, tuntube mu a labaranhausa@corp.legit.ng

Latsa Wannan: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Gwamnan Jihar Katsina