Labarai

Yola: Har yanzu ana ci gaba da zaman dar-dar a yankin garin Numan

Litinin, Disamba 04, 2017 at 7:27 Safiya daga Mudathir Ishaq 2 - tsawon mintuna

- Har yanzu ana ci gaba da zaman dar-dar a yankin garin Numan, sakamakon kisan gillar da aka yi wa wasu Fulani

- Jama'a da dama suna yin hijira da iyalan su zuwa makwabtan jihohi saboda yiwuwar barkewar sabuwar rikici a yankin

- Rahotanni sun tabbatar cewa an sake aika wasu karin jami'an tsaro daga hedkwatar 'ƴan sandan de ke Yola

Tun harin ta'addancin da ake zargin 'ƴan kabilar Ɓachama, suka ƙaddamar akan wasu fulani a garin Numan da ke jihar Adamawa a makon jiya, ana ci gaba da zaman zullumi, sakamakon fargabar yiwuwar barkewar sabuwar rikici a yankin.

Yanzu ana jita-jitar cewa Fulani na shirin ɗaukar fansa, wanda hakan ya sa jama'a da dama suna yin hijira da iyalan su zuwa makwabtan jihohi.

A wata zantawa da majiyar Legit.ng, wani mazaunin garin Numan ya shaida ta wayar tarho cewa "Tunda aka tura jami'an 'yan sanda na Mopol domin kwantar da tarzoma da ta barke a kauyukan da rikicin yafi kamari, sai ɗazu muke ganin an wuce da gawarwakin wasu jami'an 'yan Sanda, daga nan ne jama'a suke tururuwar barin gari."

Yola: Har yanzu ana ci gaba da zaman dar-dar a yankin garin Numan — Jami'an 'yan sanda suna ko ta kwana a yankin garin Numan

Rahotanni daga yankin sun tabbatar cewa hukumar 'yan sanda daga babbar hedkwatar ta de ke Yola, babban birnin jihar ta sake aika karin jami'an tsaro.

KU KARANTA: Hukumar 'yan sanda ta mayar da martani bisa korafin 'yan Najeriya a kan jami'an SARS

Kawo lokacin da aka haɗa wannan rahoto babu wani karin bayanai da aka fitar daga hukumar ta 'ƴan sanda.

Idan ka na da wani shawara ko bukatan bamu labari, tuntube mu a labaranhausa@corp.legit.ng

Latsa Wannan: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Adamawa