Gubar abinci da wata mata ta shiryawa angon ta ta kashe surukan ta 15 a kasar Pakistan

Laraba, Nuwamba 01, 2017 at 6:30 Yamma daga Mudathir Ishaq 1 - tsawon mintuna

Wata amarya mai shekaru 21 da aka yi mata auren dole a kasar Pakistan ta shiga hannun jami'an tsaro sakamakon kisan surukan ta 15 a kokarin ta na kisan mai gidan na ta bayan ta sanya mi shi guba a abinci.

Wannan mata Aasia Bibi ta gudu gidan iyayenta bayan watanni biyu kacal da aure, inda suka tursasa ta ta koma dakin mijin ta.

A fahimtar Legit.ng da sanadin jaridar Daily Post ta ruwaito cewa, tsohon masoyin wannan amarya Shahid Lashari, shi ya ba ta guba domin ta zubawa mijin ta a cikin abinci kowa ya huta.

Hausawa na cewa tsautsayi ba ya wuce ranar sa, domin kuwa a maimakon mijin ya yi amfani da wannan abin sha da ta hada masa, sai kwatsam surukan ta suka yi amfani da shi ta hanyar hada wani abin sha na daban mai sunan Lassi na gargajiya irin ta su.

KARANTA KUMA: Fataucin hodar shaidan ya jefa wata mata shekaru 10 a gidan kaso

A yayin haka ne surukan Bibi 27 suka kwankwadi wannan abin sha, wanda cikin kankanin lokaci idanuwa suka fara raina fata domin kuwa nan take mutum suka sheka lahira sauran mutum 12 kuma suna nan cikin jiran tsammanin yau ne ko gobe.

Domin shawara ko bukatar bamu labari, tuntube mu a: labaranhausa@corp.legit.ng

Ku duba shafukanmu na dandalin sada zumunta a:

https://facebook.com/naijcomhausa

https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Mata Da Miji