Dandalin Kannywood: An shawarci matan Arewa da suyi koyi da dabi'un Rahma Sadau

Asabar, Oktoba 21, 2017 at 6:40 Yamma daga Mudathir Ishaq 1 - tsawon mintuna

Wata gamayyar kungiyoyin matan dake daukacin jahohi 19 na Arewacin Najeriya sun shawarci dukkanin matan dake a yankin na Arewacin Najeriya da suyi koyi da kyawawan halayen jarumar nan ta fina-finan Hausa na masana'antar Kannywood watau Rahma Sadau.

Gamayyar kungiyoyin dai sun yi wannan kiran ne jim kadan bayan sun kammala taron su da suka sabayi a lokaci lokaci inda kuma suka nuna sha'awar ta su fili karara ga halayen na jarumar da suka bayyana cewa masu kyau ne kuma abun sha'awa.

Dandalin Kannywood: An shawarci matan Arewa da suyi koyi da dabi'un Rahma Sadau

KU KARANTA: Mata a Kaduna sun yi wa Sanata Shehu Sani zanga-zanga

Legit.ng dai ta samu cewa matan sun shawarci daukacin matan Arewar da su rike sana'ar duk da suke yi sosai ba tare da damuwa da cece-kucen da jama'a za su rika yi masu ba tamkar dai yadda jarumar ta ke cikin yi.

Mai karatu dai zai iya tuna cewa kungiyar masu shirya fina-finan na Hausa a baya sun dakatar da jaruma Rahma Sadau daga yin fim saboda abunda suka kira saba dokar su da ta yi yayin da ta rungumi mawaki a cikin wata waka da suka yi.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng