Dandalin Kannywood: Za'a karrama fitattun jaruman fina-finan Hausa 7 a kasar Ingila

Jummaʼa, Oktoba 20, 2017 at 12:27 Yamma daga Mudathir Ishaq 1 - tsawon mintuna

Labaran da muke samu ba da dadewa a nan na nuni da cewa wasu fitattun jarumai a masana'antar fina-finan Hausa da ake yi wa lakani da Kannywoood da suka tasamma akalla bakwai za su samu kyautar karramawa a kasar Ingila.

Jaruman dai kamar yadda muka samu daga majiyar mu wani babban kamfanin jarida ne na African Voice dake da hedikwatar sa a birnin Landan zai karrama zakakuran jaruman a cikin wata mai kamawa na Nuwamba kuma a ranar hudu ga wata.

Dandalin Kannywood: Za'a karrama fitattun jaruman fina-finan Hausa 7 a kasar Ingila

KU KARANTA: Messi ya ci kwallaye 100 a nahiyar turai

Legit.ng dai ta samu cewa wadanda jaridar zata karrama sune Nafisa Abdullahi (Jarumar da tafi fice); Hafsat Ahmed Idris (Babbar Jaruma); Halima Atete (babbar mataimakiyar Jaruma); Ramadan Booth (Babban jarumi); Sani Ahmad Yaro (Babban mataimakin jarumi); Kamal Alkali (Fitaccen mai bada umurni); Hamisu Lamido Iyantama (Fitaccen mai shirya fina finai).

Mai karatu dai zai iya tuna cewa a kwanan baya ma dai wasu jaruman a masana'atar ta Kannywood sun amshi kyaututtuka da dama a wani buki da aka gabatar a birnin tarayya Abuja.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da Kuma Tuwita: http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Dandalin Kannywood