Labarai

Dan wasa Messi ya ci kwallo 100 a wasannin nahiyar Turai

Alhamis, Oktoba 19, 2017 at 5:59 Yamma daga Mudathir Ishaq 2 - tsawon mintuna

Shahararren dan wasan kwallon kafar nan dan asalin kasar Ajentina watau Lionel Messi a jiya ya cimma wata nasara a tarihin kwallon sa inda ya ci kwallon sa ta 100 a wasannin nahiyar Turai a rayuwar sa ta kwallon kafa a kungiyar Barcelona.

Dan wasan dai ya cimma wannan babbar nasarar ce bayan da ya ci wa kungiyar ta Barcelona kwallo a yayin karawar su da kungiyar Olympiakos inda suka lallasa ta da ci 3 - 1 a gasar Zakarun Turai a ranar Laraba a filin wasan su na Nou Camp.

Dan wasa Messi ya ci kwallo 100 a wasannin nahiyar Turai

KU KARANTA: Malaman Firamare sun fara yiwa El-rufa'i azumi

Legit.ng dai ta samu cewa kungiyar ta Barcelona ce ta fara cin kwallo a minti na 18 da fara buga wasan bayan da Dimitris Nikolaou ya ci gidan su a bisa kuskure.

Jim kadan kuma bayan da aka dawo daga hutun rabin lokaci kuma ne sai Lionel Messi ya kara ta biyu sannan wani dan wasan na Barcelona Lucas Digne ya kara na uku.

Mai karatu kuma dai zai iya tuna a jiya ma dai wannan shahararren dan kwallon na kungiyar Real Madrid watau Cristiano Ronaldo shima ya zura tashi kwallon a wani wasan da aka tashi canjaras tsakanin kungiyar Real Madrid da Tottenham duk dai a kasar ta zakarun turai.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da Kuma Tuwita: http://twitter.com/naijcomhausa

Who will win the champions league? ON Legit.ng TV

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng