Labarai

Hukumar NAFDAC ta samu sabon Shugaba a Najeriya

Lahadi, Oktoba 01, 2017 at 9:04 Safiya daga Muhammad Malumfashi 1 - tsawon mintuna

- An nada sabon Shugaba Hukumar NAFDAC na kasa

- Mai magana da bakin Hukumar kasar ya bayyana haka

- Shekarun tsohuwar Shugabar sun isa ajiye aiki a Najeriya

A jiya mu ka samu labari daga Jaridar Daily Trust cewa Shugaban Kasa Muhammadu Buhari ya nada sabon Shugaban Hukumar NAFDAC mai kula da harkar maganguna da abinci na rikon kwarya.

Hukumar NAFDAC ta samu sabon Shugaba a Najeriya — Hukumar NAFDAC mai kula da harkar kwayoyin magani da abinci

An nada wani sabon Shugaban Hukumar NAFDAC na kasa ne bayan da shekarun tsohuwar Shugabar Yetunde Oni su ka cika 60 a watan jiya. Mai magana da bakin Hukumar kasar Dr. Abubakar Jimoh ya bayyanawa manema labarai na kasa watau NAN.

KU KARANTA: Diyar Shugaban kasa Buhari tayi wani korafi

Jimoh ya bayyana cewa Mista Ademola Magbojuri wanda yake ofishin Hukumar da ke Garin Kaduna kuma babban Darekta na Hukumar a yanzu ne zai ja ragamar Hukumar kafin a nada takamamen Shugaba.

An dai ta samun rikici a Hukumar saboda rashin biyan wasu alawus din Ma'aikata a daidai lokacin sa tsohuwar Shugaban ya zo karshe kwanaki.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Fayose zai kara da Shugaba Buhari

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng