Labarai

Labari Cikin Hotuna: Jami'an 'Yan sanda sun cafke masu garkuwa da mutane da 'yan fashi da makami

Laraba, Satumba 27, 2017 at 4:28 Yamma daga Mudathir Ishaq 3 - tsawon mintuna

Sakamakon simame da fafutikar wanzar da zaman lafiya a kasar nan, 'yan sandan Najeriya sun samu nasarar cafke wasu gaggan 'yan fashi da makami da kuma masu garkuwa da mutane da neman kudin fansar su.

'Yan sandan sun samu nasarar damkar mutane 31 da ake zarginsu da aikata wannan laifuka, wadanda suka addabi manyan hanyoyin Abuja zuwa Minna da kuma hanyar Abuja zuwa Kaduna daura da kauyen Dikko dake garin Suleja a jihar Neja.

Legit.ng ta fahimci cewa, sakamakon wani simame da masu garkuwa da mutane suka yi wa jami'an 'yan sanda a ranar Talata 26 ga watan Satumba, ya yi sanadiyar ran wani Sajen Shettima Abdullahi, wanda kuma musayar wuta tsakanin jami'an 'yan sanda da 'yan ta'addan ya salwantar da rayuka 5 na masu garkuwa da mutane.

Kakakin rundunar 'yan sandan Najeriya CSP Jimoh Moshood, ya rubuto sunayen 'yan ta'addan har guda 31 da hukumar ta yi nasarar cafkewa wanda cikinsu guda biyar sun sheka lahira. Ya kuma bayyana cewa yawancin 'yan ta'addan su na amfani da kakin soja wajan gudanar da wannan ta'asa ta su.

Ya kawo sunayensu kamar haka:

1. HUSSAINI MOHAMMED (Inkiyarsa Janar Maigemu Sambisa) Shugaban gangamin 'yan fashin

2. ADAMU HUSSAINI

3. BALA MOHAMMED

4. SHAGARI MUSA

5. HASSAN HASHIMU

6. IBRAHIM BADAMASI

7. BABANGIDA HAMZA

8. YA'U AUTA

9. ALH. UMARU ABUBAKAR

10. KARO LADAN

11. BUHARI ABUBAKR

12. ALANSHIRA ABUBAKAR

13. AZIRU TASIU

14. IBRAHIM MUSA

15. ISHAMU SAIDU

16. SANI ALIYU

17. SHUAIBU ABUBAKAR

18. BASHIR ABUBAKAR

19. NASIRU SANI

20. ZAYANU SANI

21. ISA SALISU

22. HAFIZ JIBRIN

23. KABIRU SANI

24.ABDULLAHI ADAMU mai inkiyar DARE

25. BARA'U MASAUDU

26. IBRAHIM HASSAN

27. ALIYU CHEDE

28. BELLO ABDULLAHI

29. ISA ABDULAHI

30. NASIRU ADAMU

31. IDRIS DAUDA

Labari Cikin Hotuna: Jami'an 'Yan sanda sun cafke masu garkuwa da mutane da 'yan fashi da makami

Nasarar cafke wannan 'yan ta'adda ya bayu ne sakamakon umarnin Sufeto Janar na 'yan sanda Ibrahim K. Idris akan jami'an su gurfana domin kawo karshen ta'addaci da faskara a wannan manyan hanyoyi, wanda hakan ya sanya aka fatattako su daga mabuyarsu tare da mallakin kayayyaki daban-daban wadanda suka hadar da bindigu, na'urori mai kwakwalwa, na daukan hoto, na daukan sauti da kuma talabijin.

KARANTA KUMA: Fayose zai ƙaddamar da takarar sa ta kujerar shugaban ƙasa a ranar Alhamis

Akwai ire-iren wayoyin sadarwa, katin karbar kudi na bankuna da kuma makamai da dama da hukumar 'yan sandan ta samu a wajen wannan 'yan ta'adda, baya ga motoci na jama'ar da suka karba.

Shugaban na 'yan sanda ya bayyana cewa wannan 'yan ta'adda sun amsa laifukansu, yayin da wasu su daga cikinsu suka ce har fyade sun yiwa wasu daga cikin wadanda suka yi garkuwa da su ko kuma fashi da makami. Ya kara da cewa, hukumar ta 'yan sanda za ta cigaba da gudanar da binciken akan wannan 'yan ta'adda kafin ta mika su ga kotu domin gurfanarwa.

Domin shawara ko bamu labari, tuntube mu a: labaranhausa@corp.legit.ng

Ku duba shafukanmu na dandalin sada zumunta a:

https://facebook.com/naijcomhausa

https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Masu Garkuwa Da Mutane