Labarai

Daliban sakandari kunnenku nawa? An sako sakamakon jarabawar NECO

Alhamis, Satumba 14, 2017 at 3:22 Yamma daga Mudathir Ishaq 2 - tsawon mintuna

- Hukumar shirya jarabawar NECO ta fitar da sakamakon jarabawar

- An fitar da sakamakon ne a ranar ALhamis 14 ga watan Satumba

Hukumar shirya jarabawar NECO ta sanar da fitar da sakamakon jarabawar wanda aka zana a watannin Yuni da Yuli na shekarar 2017, kamar yadda jaridar Daily Trust ta ruwaito.

Shugaban hukumar NECO, Farfesa Charles Uwakwe ya sanar da fitar da sakamakon a ranar Alhamis 14 ga watan Satumba, inda yace dalibai 1,055,988 ne suka zana jarabawar.

KU KARANTA: Gwamnatin Indonesiya ta aika ma Musulman Rohingya tallafi, yayin da aka yi zanga zangar nuna ɓacin rai a Indiya

Majiyar Legit.ng ta ruwaito wandada suka zana jarabawar su 745,053 ne suka samu sakamakon mai kyau, inda suka samu maki mai darajan ‘C’ a darussa 5 da suka hada da harshen Ingilishi da lissafi.

Farfesa yace dalibai 903,690 ne suka samu sakamako mai kyau a darasin yaren Turanci, yayin da 849,335 suka samu darajar C a lissafi. Bugu da kari an samu masu satar amsa su 50,586, kamar yadda majiyar Legit.ng ta ruwaito.

Akwai makarantu 276 da aka kama su da satar amsa a jihohi 34, yayin da aka cire makarantu 6 daga jerin wadanda zasu dinga gudanar da jarabawar, haka zalika an kama jami’an hukumar su 23 da laifin taimaka ma masu satar amsa. Ana iya duba sakamakon jarabawar a https://www.mynecoexams.com

Ku biyo mu a https://www.facebook.com/naijcomhausa

ko a http://twitter.com/naijcomhausa

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

NECO