Labarai

Gwamnatin tarayya ta gano ma'adanin 'Nickel' a arewacin Najeriya

Alhamis, Satumba 07, 2017 at 3:02 Yamma daga Mudathir Ishaq 1 - tsawon mintuna

Labarin da muke samu na nuni da cewa gwamnatin tarayyar Najeriya karkashin shugabancin Muhammadu Buhari ta jagoranci wani bincike da yayi sanadiyyar gano wani muhimmin ma'adani na 'Nickel' a kudancin jihar Kaduna dake a arewacin Najeriya.

Mun dai samu labarin cewa shi dai wannan ma'adani yana da matukar tasiri da kuma alfanu a rayuwar dan adam musamman ma a wannan zamanin da muke ciki.

Gwamnatin tarayya ta gano ma'adanin 'Nickel' a arewacin Najeriya

KU KARANTA: Ahir din ku da yiwa Buhari fatar mutuwa - Wani Fasto

Legit.ng ta samu dai cewa tuni har gwamnatin tarayyar ta hannun hukumar kula da ma'adanan kasa ta fara gayyato manyan kamfaoni da kuma yan kasuwa a dukkan fadin duniya da su zo don su hako ma'adanin su siya.

Mun dai samu labarin cewa wannan ma'adanin an gano shi ne da yawan gasken da ya kai fadin kasa na ma'aunin kilomita 20 a kauyen Dagoma dake a kudancin jihar ta Kaduna.

Haka ma dai binciken mu ya gano kadan daga cikin abun da ake yi da ma'adanin sun hada da wayar salula, kayayyakin asibiti, kayayyakin noma da wajen kera motoci da kuma kayan gine-gine da dai sauran su.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da Kuma Tuwita: http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng