Labarai

Yanzu na gane gaskiya: Dalilai 3 da su ka sa na bar Shi'a-Hussain Brother

Talata, Agusta 08, 2017 at 4:25 Yamma daga Muhammad Malumfashi 1 - tsawon mintuna

- Wani Kasurgumin Dan Shi'a a baya ya tsere ya bar ta

- Yace yanzu ya gane gaskiya bisa ikon Allaah

- Tsohon Dan Shi'an yace ya daina zagin Sahabbai

Mun samu labari daga wani mai suna Salihu Babban Tanko cewa wani rikakken Dan Shi'a a baya mai suna Hussein Ahmad Malumfashi ya tsere ya bar ta inda yace ya gane gaskiya.

Yanzu na gane gaskiya: Dalilai 3 da su ka sa na bar Shi'a-Hussain Brother — Bikin wasu 'Yan Shi'a Ranar Quds

Daga cikin dalilan sa na dawowa Ahlus-Sunna dai akwai:

1. Ali RA ya goyi bayan Abubakar RA

Imam Ali da kan sa yayi wa Sayyidina Abubakar mubaya'a ya mara masa baya kenan babu sabani ko zargin zalunci a tattare da su.

2. Ali RA ya aurar wa Umar RA

Duk da irin abin da ake fada tsakanin su, ta tabbata cewa Sayyidina Aliyu RA ya dauki Diyar sa ta ciki ya ba Sayyidina Umar RA aure wanda ke nuna karya ake yi da ake cewa akwai gaba.

3. Sunayen 'Ya 'yan Ali RA

Bayan aure kuma har ta kai Sayyidina Ali RA ya rika radawa 'Ya'yan sa sunayen su Abubakar da Umar dsr

Hussein Ahmad Malumfashi da aka fi sani sa Brother ya fi shekaru 30 yana Addinin Shi'a yace yanzu ba takiyya bace ya tuba!

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Abubuwan da ke cikin matsala a Najeriya

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng