An bada belin Saminu Turaki
Rahotanni sun kawo cewa wata babbar kotun Tarayya dake babban birnin tarayya Abuja ta bayar da belin tsohon gwamnan jihar Jigawa, Saminu Turaki.
An saki tsohon gwamnan ne a yammacin ranar Alhamis, 27 ga watan Yuli bayan kama shi da hukumar yaki da cin hanci da hana yiwa tattalin arziki zagon kasa (EFCC) ta kama shi.
A farkon wannan watan ne hukumar ta EFCC ta damke shi a babban birnin tarayya Abuja.
Kafin bada belin nasa, kotu ta shimfida masa sharuda na kawo mutane biyu wanda ko wanne a cikin su zai jinginar da N250,000,000 a gaban ta.
KU KARANTA KUMA: Labari Yanzu-Yanzu: Shugaban Pakistan ya rattaba hannu kuma ya sauka daga mulki a yau, me yayi zafi?
Magajin Garin Sokoto Alhaji Hassan Danbaba tare da rakiyar iyalai da ‘yan uwan tsohon gwamnan ne ya karbi belinsa a gidan yarin Kuje da ke Abuja.
https://twitter.com/naijcomhausa
https://www.facebook.com/pg/naijcomhausa/posts/?ref=page_internal#
Don bamu shawara ku aiko mana da labarai, tuntubemu a labaranhausa@corp.legit.ng
Asali: Legit.ng
