Labarai

Allah sarki: Wani Dan wasan Ajax ya gamu da cutar kwakwalwa

Laraba, Yuli 19, 2017 at 1:33 Yamma daga Muhammad Malumfashi 1 - tsawon mintuna

- Kwakwalwar wani babban Dan wasan Ajax tayi raga-raga

- Babban Dan wasan ya samu wannan larura ne a filin wasa

- 'Yan kwallon Duniya su na ta aika sakonnin jinya ga Dan wasan

Kwanaki kun ji labarin cewa wani Dan wasan Ajax ya kife ana tsakiyar kwallo. Yanzu dai ta tabbata cewa Kwakwalwar wannan Dan wasan ta samu matsalar da ba zai warke ba.

Allah sarki: Wani Dan wasan Ajax ya gamu da cutar kwakwalwa — Wani Dan wasan Ajax Abdelhak Nouri

Kwanan nan mu ka samu labari cewa kwakwalwar Dan wasa Abdelhak Nouri na Kungiyar Ajax tayi dameji. Bisa dukkan alamu dai wannan ba karamar lalura bace wanda ba ma wasan kwallon kafar kadai za ta hana sa ba.

KU KARANTA: Abin da ya hana Adaam Zango aure

Kungiyar sa ta Ajax da ke kasar Holand dai wannan abu bai ma ta dadi ba. Haka sauran manyan 'Yan wasan Duniya sun aika sakon addu'o'in su ta kafafen zamani irin su Tuwita ga wannan mashahurin Dan wasa da Iyalin sa.

Dan wasan tsakiyar na Ajax Abdelhak Nouri ya fadi ne bayan an kusa doka Minti 70 da take wasan da ake karawa ta Kungiyar Werder Bremen na kasar Jamus kwanaki.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Su wa su ka fi yaudara a gidan aure

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng