Labarai

Garabasa: Ina mai neman gafara da biyan bukata cikin watan Ramadan

Jummaʼa, Yuni 16, 2017 at 5:43 Yamma daga Muhammad Malumfashi 1 - tsawon mintuna

– An shiga kwamakin goman karshe a cikin wannan wata

– A yanzu ne za a dace da daren Lailatul Qadr mai albarka

– Ana kuma son a shiga ibadar I’itikafi a halin yanzu

Kun san cewa akwai lada ga wanda ya samu yin I’itikafi a cikin wannan wata. Manzon Allah SWT ya kan yi wannan ibada a masallacin sa. Ana so Musulmai su dage domin su dace da daren Lailatul Qadr.

Garabasa: Ina mai neman gafara da biyan bukata cikin watan Ramadan — Shugabannin Najeriya cikin sallah

Akwai Hadisi daga Manzon Allah SAW da ke cewa duk wanda yayi I’itikafi a kwanaki goma na karshen Ramadan ba zai shiga wutar Jahannama ba. Wannan Hadisi dai Imam Tabarani ya kawo shi.

KU KARANTA: Falalar da ke cikin daren Lailatul Qadr

Haka kuma ana sa ran ganin daren nan mai albarka a cikin ‘yan kwanakin nan, Manzon Allah ya tabbatar da cewa lallai za a samu wannan Lailatul Qadr a cikin dararen da mu ka shiga kuma musamman a kwanaki na mara watau daren 21, 23, 25, 27 da kuma daren azumi na 29.

A yau dai da mu ke magana muna daren 21 ne don haka ana sai daren ya shigo a wannan rana. A wannan dare ne dai Allah zai yafewa bayin sa da su ka nemi gafara.

Ku same mu a https://www.facebook.com/naijcomhausa Ko a http://twitter.com/naijcomhausa

Har yanzu Najeriya na da wani matsayi a Afrika ?

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng