Kudin da Dangote ke samu a yini na iya biyan bukatan talaka a shekara
- Rahotanni sun kawo cewa rashin daidaito a kasar Najeriya ya bayyana tazarar dake tsakanin mawadata da talakawa da yadda wasu attajirai kalilan suka kankame tattalin arzikin kasar su kadai
- Hasashe sun nuna cewa mutane biyar da suka fi kowa wadata a Najeriya sun mallaki dukiyar da za ta iya raba al’ummar kasar gaba daya da talauci
- Mutumin da ya fi kowa arziki da wadata a Najeriya wanda shine Alhaji Aliko Dangote
Rahotanni sun kawo cewa rashin daidaito a kasar Najeriya ya bayyana tazarar dake tsakanin mawadata da talakawa da yadda wasu attajirai kalilan suka kankame tattalin arzikin kasar su kadai.
Rahotan da fitar da cewa mutane biyar da suka fi kowa wadata a Najeriya sun mallaki dukiyar da za ta iya raba al’ummar kasar gaba daya da talauci.
Wannan rahoto ya kuma gano cewa mutumin da ya fi kowa arziki da wadata a Najeriya wanda shine Alhaji Aliko Dangote wanda aka fi sani da mai kudin Afrika, yana samun kudin da ya ninka na talakan kasar sau 8,000 kuma kudin na iya biyan bukatun talakan na shekara daya.
KU KARANTA KUMA: Kwanan nan Za a fara aikin layin dogo na Kano-Zaria-Kaduna
Mujallar Forbes da wasu cibiyoyi a tace tacen da suka yi a baya sun nuna cewa Alhaji Aliko Dangote ne ya fi kowa wadata ba kawai a Nijeriya ba, har ma a daukacin nahiyar Afirka.
Rahoton ya kuma ce fiye da mutane miliyan 112 na fama da talauci a Najeriya, amma attajiri mafi arziki a kasar zai dauki shekara 42 kafin ya kashe kudinsa, idan yana kashe dalar Amurka miliyan daya a kullum.
A wani ci gaba, Legit.ng ta rahoto cewa, a jiya ne Sarkin Zaria, Alh. Shehu Idris, ya karbi tawagar Shugaban hukumar harkokin safara ta jiragen kasa, a fadarsa dake birnin Zazzau.
Tawagar ta hada da Alhaji Usman Abubakar, Shugaban NRC na kasa, wanda ya tabbatar cewa, a kwanan nan ne za'a fara aikin sabon layin dogo na Zamani, wanda zai hade da hanyar jirgi da ta taho daga Abuja babban birni zuwa Kaduna garin Gwamna.
Digar jirgin zata tashi ne daga Kaduna, tabi ta ZAria, ta isa Kano. Shugaban, ya bada tabbacin cewa an samar da kudin aikin, an bada kwangilar ga kwararru daga kasashen waje. Zasu kuma iso da kayan aikinsu na zamani domin fara aikin.
Ku biyo mu a https://www.facebook.com/naijcomhausa
Ko a http://twitter.com/naijcomhausa
Asali: Legit.ng
