Gaskiya 9 game d Atiku Abubakar da ya kamata ku sani

Tsohon mataimakin shugaban kasa Abubakar Atiku ya cika shekaru 70 a yau 25 ga watan Nuwamba, 2016.

A karkashin gwamnatin Olusegun Obasanjo an rantsar da Atiku a matsayin mataimakin shugaban kasa a mulkin damokradiyan Najeriya na biyu a ranar 29 ga watan Mayu na 1999, karkashin jam’iyyar Peoples Democratic Party (PDP).

Duk da alaka mai karfi dake tsakaninsa da Obasanjo, kudirin Atiku na gudanar da kasar a matsayin shugaban kasa ya shahara da yi fice a siyasar Najeriya. Bayan harkan san a siyasa ga wasu abubuwa 9 masu ban al’ajabi game da wannan dan siyasar Najeriya rikita ka.

1. Abubakar yayi aiki a hukumar hana fasa kauri na Najeriya tsawon shekaru 20

Bayan ya kammala karatu a 1969, lokacin yaki basasan Najeriya, hukumar hana fasa kaurin Najeriya wato Nigeria Custom Service sun dauke shi aiki.

2. An haifi Atiku Abubakar a cikin zuri’ar Fulani dan kasuwa kuma manomi Garba Abubakar

Mahaifinsa da mahaifiyarsa, Aisha Kande, suna zaune a kauyen Jada; wanda a yanzu yake jihar Adamawa, ada jihar Gongola.

3. Atiku ne ya kafa intels, wani ma’aikatar mai wanda ke aiki a Najeriya da kasar waje

Ya kuma kasance wanda ya kafa kungiyar Adama Beverages Limited, da kuma American University of Nigeria (AUN), wanda dukka ke a garin Yola.

KU KARANTA KUMA: Nasarori 7 da Atiku Abubakar ya samu

4. Atiku Abubakar ya kasance dan siyasar Najeriya, kuma dan kasuwa

[caption id="attachment_1060801" align="alignnone" width="800"] Atiku Abubakar a lokacin yakin neman zabe[/caption]

Atiku ya yi aiki a matsayin mataimakin shugaban kasan Najeriya na biyu a mulkin damokradiya daga 1999 zuwa 2007. Yana da kwarewa a fannin siyasa a karkashin jam’iyyar Peoples Democratic Party (PDP). Tare da Olusegun Obasanjo wanda ya kasance shugaban kasa.

Ya fara kasuwancinsa a lokacin kuriciya a matsayin jami’in kwastam. A 1974 ya nemi bashin naira dubu talatin da daya (31,000) don ya gina gidansa na farko a garin Yola, wanda ya zuba yan haya.

5. Yunkurinsa na shiga siyasa ya kasance a farkon 1980s amma farkon tsayawarsa takarar kujerar gwamna ya kasance a 1990.

Ya nemi kuri’u a madadin yakin neman zaben gwamna na Bamanga Tukur, wanda ya kasance manajan daraktan hukumar jirgin saman Najeriya. Yayinda yayi takaran sa na farko a matsayin gwamna a jihar Gongola a 1990.

6. Atiku Abubakar ya tara matan aure da yawa saboda baida kani ko 'kanwa

[caption id="attachment_1060814" align="alignnone" width="800"] Atiku Abubakar tarev da 'ya'yan sa[/caption]

Rasuwar yayarsa tun tana yar yarinya ya sa Atiku ya kasance da tilo a gurin iyayensa da suka rabu da juna. Kadaici ya sa shi auren mata da yawa. Ya ce: “bana so yaya na su kasance cikin kadaici kamar yanda ya kasance a baya.”

KU KARANTA KUMA: Atiku Abubakar ya bayyana yanda ya siya gida a shekara 14

7. Ya auri matarsa Titilayo Albert cikin sirri a 1971

[caption id="attachment_1060827" align="alignnone" width="800"] Atiku Abubakar da matarsa Titi[/caption]

A shekaru 25 Atiku ya mari matarsa ta farko wacce ta kasance tana da shekaru 19 a Idi-Iroko, Lagas cikin sirri saboda yan uwansa basu yarda da tarayyan ba a farko.

8. Atiku ya haifi yarsa na fari yana da shekara 26

A ranar 26 ga watan Oktoba 1972, Atiku ya zama uba lokacin da Titilayo ta haifi ya mace suka sanya mata Fatima.

9. Atiku ya kasance maraya

[caption id="attachment_1060848" align="alignnone" width="800"] Atiku Abubakar[/caption]

Bayan rabuwar iyayensa, mahaifinsa ya rasu ta hanyar nutsewa a 1957. Ko da dai mahaifiyarsa ta kuma aure, ta rasu sakamakon ciwon zuciya a 1984.

Asali: Legit.ng