Yan zanga-zanga sun yiwa wata duka kan zargin kisan kai
Wasu fusatattun yan zanga-zanga sun yiwa wata mata mugun duka bayan an zarge ta da kashe mijinta.
Wasu fusatattun yan zanga-zanga sun yiwa wata mai shekaru 45 Usha Devi wacce ta rasa mijinta kwanan nan duka bayan sun zargeta da kashe mijin nata da kanta.
An bayyana cewa Devi wacce ta kasance matar gida ga Ashok Paswan ta jure wulakanci a hannun mijin nata kafin mutuwarsa. Lokacin da ya mutu a gidansu dake kauyen Samstipur a Bihar, kasar indiya, byan ta gama sha zagi, wasu kungiya na matasa gud 25 sun mamaye gidanta, suka tafi da ita gaban yaranta sannan sukayi mata mugun duka da sanduna har sai da ta rasa inda kanta yake.
Bayan an gama yiwa Devi duka a gaban daruruwan mutane dake kallo, an yasar da ita don ta mutu. Sai daga baya wani bawan Allah ya dauke ta zuwa asibitin Sadar inda aka magance mata raunukan da ta ji.
KU KARANTA KUMA: Yan bindiga sun sace sakataren zabe na jihar Ekiti da dansa
Da aka kira mataimakin shugaban yan sandan Bihar, Tanveer Ahmed, ya bayyan a wannan:
“A yanzu haka muna nan muna bincikar al’amarin. Mun san cewa su biyun (mata da miji) sun samu sabani wanda ya zama tashin hankali babba. Ta buga wa mijinta sanda, sai yam utu. Muna jiran rahoton gwaji ne. matar na samun kulawa a asibiti a yanzu. Da zaran ta samu lafiya zamu ci gaba da bincike sannan mu gano abunda ya faru a nan kuma zamu dauki matakin da ya dace a kan matar da yan zanga-zangan idan bukatar hakan ta tashi."
Kalli wasu hotunan a kasa:
https://youtu.be/QBSX6fKoVc4
Asali: Legit.ng
