Labarai

Matar Gwamna Fayosen tayi kyan kai

Jummaʼa, Oktoba 07, 2016 at 5:15 Yamma daga Mudathir Ishaq 1 - tsawon mintuna

Uwargidan gwamna Ayo Fayose na jihar Ekiti, Feyisetan Fayose tafaranta ma wasu mata dake shirin haihuwa da marasa lafiya a asibitocin jihar.

Matar Gwamna Fayosen tayi kyan kai — Yayin da take biya ma masu jego kudi

Uwargida Feyisetan ta zagaya asibitocin jihar da dama inda ta biya ma wasu marasa lafiya kudaden asibiti da suka gagara biya, sa’annan ta raba kayan haihuwa ga mata masu juna biyu.

Wadanda suka amfana da wannan halin karamcin sun fito ne daga karamar hukumar Ekiti ta gabas, Gboyin, Emure; Ise/Orun da Ekiti na yamma, kuma sun taru ne a asibiti na musamman dake Ikere, inda suka gana da Uwargidan gwamna Fayose.

KU KARANTA: Ben Bruce ya roki a kawo ma Najeriya tallafin makara

Uwargida Feyisetan ta gudanar da wannan karamcin ne don murnan cikar gwamna Fayose shekaru 2 akan karagar mulki, tare da bikin cikar jihar Ekiti shekaru 20 da kirkira.

Uwargida Feyisetan ta biya ma masu juna biyu dake kan gwiwa a babban asibitin koyarwa na jami’a jihar Ekiti (EKSUTH) , da na asibitin kula da yara na Oke Iyimin, da na Ile Abiye kudaden asibiti. Daga nan sai ta bukaci al’ummar jihar dasu dinga zuwa asibiti akai akai ana duba lafiyarsu, don gane cututtukan dake damunsu a kan kari.

Ga sauran hotunan

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Ayo Fayose