Labarai

Wasu fitattun ‘yan Africa da suka kafa tarihi

Litinin, Agusta 22, 2016 at 6:42 Yamma daga Mudathir Ishaq 2 - tsawon mintuna

Ga wasu fitattun ‘yan asalin Africa da suka kafa tarihi wadanda duniya ba za a taba mantawa da su ba.

Wasu fitattun ‘yan Africa da suka kafa tarihi

Barrack Obama

Shi ne shugaban Amurka na 44 kuma bakar fata na farko da ya taba kai wa ga wannan mukami a kasar. Mahaifisa dan Kenya ne. Wa’adin mulkinsa zai kare a watan Nuwamban 2016.

Kofi Anan

Sakaren Majalisar dinkin Duniya, kuma dan Africa na biyu ta ya taba rike wannan mukami a duniya ya na da shekaru 78 da haihuwa. Cikin abubuwan da ya yi wadanda ba za a manta da su ba sun hada da wanzar da zaman lafiya a kasashe da yawa da ke cikin rikici, da kai kayayyakin agaji.

Abubakar Tafawa Balewa

Firayi ministan farko na Najeriya wanda kuma ya karbi yancin kasar daga hannun turawan mulkin mallaka. Tarihi ba zai manta da shi ba, a lokacin da ya yi jawabinsa a majalisar Dinkin Duniya aka lakaba masa suna mai makokwaron zinare na Africa.

Usain Bolt

Dan wasan tsere da ya fi kowa gudu a duniya. Dan kasar Jamaica ne, ya kuma lashe gasar tseren mita 100 da mita 200 sau uku a jere a gasar Olympics daban-daban

Muhammad Ali

Zakaran wasan damben duniya ajin masu nauyi. Ya kuma zama gagara badau a shekarun 1960 har zuwa shekarun 1980. A shekara ta 2005 ya samu lambar shugaban kasar Amurka na waccan lokaci kuma musulmi ne mai fafutukar samun ‘yancin bakar fata a duniya.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng