Labarai

Zan kara sayo 'yan wasa - Wenger

Litinin, Agusta 22, 2016 at 10:26 Safiya daga Mudathir Ishaq 1 - tsawon mintuna

Kociyan Arsenal, Arsene Wenger, ya ce ya shirya kara sayo wasu 'yan wasan tamaula kafin a rufe kasuwar saye da sayar da 'yan kwallo a ranar 31 ga watan Agusta.

Wenger na shan suka kan kin sayen fitattun 'yan wasa a shekara da dama, da kuma fama da yawan rauni da 'yan kwallon Arsenal ke yi. Babban dan kwallon da Wenger ya saya a bana shi ne Granit Xhaka, wanda aka dauko daga Borussia Monchengladbach kan kudi fan miliyan 34.

Zan kara sayo 'yan wasa - Wenger — Arsene Wenger

A wasan da Arsenal ta yi rashin nasara a hannun Liverpool da ci 3-4, sai sauya Aaron Ramsey da Alex Iwobi aka yi a karawar sakamakon rauni da suka yi. Tun kafin a fara kakar wasannin bana Per Mertesacker da Gabriel da kuma Jack Wilshere suna jinyar rauni tare da Danny Welbeck.

Wenger ya ce a shirye yake ya sayo dan kwallo ko nawa ne kudinsa, matsalar ita ce ba za ka samu irin dan wasan da kake bukata ba.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng